بنگلورو : 9/اگست (ایس او نیوز) ملک کے مختلف حصوں سے 500سے زائد پانی کے ماہرین ' پانی کے تحفظ اور اس کے موثر استعمال پر ذہن سازی کے سیشن کیلئے وجے پورہ شہر میں جمع ہوں گے ۔سالانہ کنونشن جو نئی دہلی میں منعقد ہونے والا تھا وجے پورہ اس مرتبہ منتقل کیا گیا تاکہ روایتی پانی کے تحفظ کے طریقہ کار پر دوردراز کے ضلع میں موثر عمل کیا جاسکے جہاں پر تالابوں اور نہروں سے پانی لانا دورقدیم میں کئی افراد کی روایت تھی۔پانی کے تحفظ کے ماہر راجندر سنگھ نے یہ بات بتائی۔ سنگھ جو پانی کے موثر انتظام کو فروغ دے رہے ہیں ' نے کہا کہ وہ اس بات سے متاثر ہیں کہ حکومت اور مقامی عوام قدیم عظمت کی بحالی کے اقدامات کررہے ہیں۔انہوں نے کہا کہ ملک بھر کے پانی کے ماہرین اپنے تجربات سے واقف کروائیں گے تاکہ دریاوں کو تالابوں اور نہروں سے مربوط کیا جاسکے ۔انہو ں نے آبی ذخائر کے تحفظ کے سلسلہ میں مدھیہ پردیش کے وزیراعلیٰ شیوراج سنگھ چوہان کے موثر رول کی ستائش کی۔ انہوں نے کہا کہ تین روزہ میٹنگ کے دوران مقالے پڑھے جائیں گے ۔ 18اگست کو اختتامی دن کرناٹک کے وزیراعلیٰ سدارامیا تین روزہ اجلاس کے ڈکلریشن کا اعلان کریں گے ۔