23اکتوبر سے پولنگ بوتھ میں ووٹر لسٹ میں نام درج کرنے کی سہولت
کاروار22؍اکتوبر(ایس او نیوز)فی الحال ووٹر لسٹ میں نئے نام درج کرنے یا موجودہ ناموں کے حذف و اضافے اور ترمیم کی مہم جاری ہے۔ اس طرح کی کسی بھی کارروائی انجام دینے کے لئے 31؍اکتوبر آخری تاریخ ہے۔
ڈپٹی کمشنر ایس ایس نکول کی پریس ریلیز کے مطابق اسٹیٹ چیف الیکشن کمشنر نے اس مقصد کے لئے خصوصی مہم چلانے کی ہدایات جاری کی ہیں ۔ اس لئے اب ووٹرلسٹ میں نام درج کرنے یا دیگر کارروائیاں انجام دینے کے لئے 23؍اکتوبر سے ہر اسمبلی حلقے کے پولنگ بوتھ میں سہولت حاصل رہے گی۔ اس فہرست میں نام اندراج کرنا ہو یا اپنا نام چیک کرنا ہو تو عوام کو چاہیے کہ اپنے علاقے کے پولنگ بوتھ میں موجودبوتھ لیول افیسر(بی ایل او) کے پاس پہنچ کر ضروری کارروائی پوری کریں۔