بھٹکل: انجمن پی یوکالج فارویمن میں انگریزی درسی کتاب پر طالبات کے درمیان ’’لرن انگلش بائی کالج آرٹ ‘‘ انوکھا مقابلہ
بھٹکل:10/ستمبر(ایس اؤ نیوز) انجمن پی یوکالج فارویمن بھٹکل کے زیر اہتمام پی یو اول و دوم کی طالبات کے لئے نصابی انگلش کتاب پر مبنی ’’لرن انگلش بائی کالج آرٹ‘‘ کے موضوع پر بامعنی نمائش کا اہتمام کیاگیا۔
کالج کی نائب پرنسپال محترمہ طالعہ معلم نے بتا یا کہ کالج کی سطح پر اپنی طالبات کے لئے ہم نے ایک انوکھا تجربہ کیا ہے۔ جس میں طالبات کو نصابی کتاب سے عملی طورپر جوڑنے کی کوشش کی ہے۔ اس نمائش میں طالبا ت نے پی یو اول و دوم کی انگریزی کتاب کو بنیاد بنا کر اس کے اسباق کو مختلف رنگ میں پیش کرتے ہوئے اپنی تخلیقی صلاحیت کا مظاہرہ کیا ، جس سے ہمیں کافی خوشی ہوئی ہے۔ اس مقابلے میں کالج کی 34 طالبات نے شرکت کرتے ہوئےتصاویر، تصویروں کے ساتھ بامعنی محاورے ، مقولے وغیرہ کو انسلاک کرتے ہوئے بہتر ین فنی مظاہرہ کیا ہے۔
اس موقع پر انجمن ڈگری کالج فارویمن شعبہ انگریزی کی پروفیسرمحترمہ دیپا کامت نے طالبات سے خطاب کرتے ہوئے طالبات مخفی صلاحیتوں کو پیش کیا ہے جس کے لئے وہ مبارکبادی کے مستحق ہیں۔ اسی عملی کوشش اور عملی تجربے اگلی جماعتوں میں بہتر مفیدو معاون ہونگی۔ اس موقع پر کالج کی لکچررس نوری اسد اور شہناز وغیرہ موجود تھیں۔