کمٹہ: پجاری وشویشورا بھٹ کے قتل کی سازش پہلے بھی رچی گئی تھی؛ پولس کی تحقیقات جاری

Source: S.O. News Service | By I.G. Bhatkali | Published on 22nd October 2018, 5:09 PM | ساحلی خبریں | ان خبروں کو پڑھنا مت بھولئے |

کمٹہ 22؍اکتوبر(ایس او نیوز) حال ہی میں کمٹہ مندر کے پجاری وشویشورا بھٹ کے قتل سے متعلق تحقیقات کے دوران یہ بات سامنے آئی ہے کہ اپنے خون کے رشتے دار پر بھروسہ ہی ان کے قتل کا سبب بنا ہے، کیونکہ انہیں نئی خریدی گئی زمین کی شدھی کرنے کی پوجا انجام دینے کے بہانے مرور کی طرف بلاکر لے جانے والا کوئی اجنبی نہیں تھا بلکہ خود ان کا اپنا بھانجہ ہریش ہیگڈے تھا۔

ذرائع سے ملی اطلاع کے مطابق  وشویشورا بھٹ کے خالوناگیش ہیگڈے کو اولاد نہ ہونے کی وجہ سے انہوں نے اپنی ساڑو منجوناتھ ہیگڈے کو ہی اپنے خاندان کا سہارا مان لیا تھا۔ اس وجہ سے منجوناتھ ہیگڈے نے اپنے آپ کو ناگیش ہیگڈے کا گودلیا ہوا بیٹا قراردیتے ہوئے ان کی جائداد میں پورا حصہ طلب کرنے لگا تھا۔اور اس مسئلے کو عدالت کے دروازے تک لے گیاتھا۔چونکہ منجوناتھ ہیگڈے اپنے آپ کو ناگیش ہیگڈے کا گود لیا ہوا بیٹا ثابت کرنے میں کامیاب نہیں ہوسکا اس لئے منجوناتھ کی جائداد میں اسے حصہ داری نہیں ملی۔منجو ناتھ کے دل میں یہ بات گھر کرگئی کہ اسے ملنے والی جائداد سے محروم کرنے میں وشویشورا بھٹ کا ہاتھ شامل ہے اور انہوں نے جادو منتر وغیرہ سے جائداد اپنے نام کروالی ہے۔اس کے علاوہ وشویشورا بھٹ کی بہن کا خاندان بھی جن مشکلات کا شکار ہوا ہے اس کے پیچھے وشویشورابھٹ کا جادو منتر ہی کام کررہا ہے۔

یہی وجہ ہے کہ منجوناتھ نے وشویشورا بھٹ کو ختم کرنے کا منصوبہ بنایا ۔ اس نے پہلے  ایک بار اپنے ایم 80بائک سے ٹکر مارکر ہلاک کرنے کی سازش رچی تھی۔مگر بعد میں دوسرے انداز میں سازش رچتے ہوئے وشویشورا بھٹ کے بھانجے ہریش بھٹ کے ذریعے انہیں پوجا کی رسم انجام دینے کے بہانے مرور لے جاکر  زندہ دفن کرنے کا حیوانی کام انجام دیاگیا۔

مقامی لوگوں کا کہنا ہے کہ   منجوناتھ ہیگڈے کے پاس اپنی دوایکڑ زمین ہے اور اس پر سپاری کے باغ لگے ہوئے ہیں۔ اگر باغ میں گری ہوئی سپاری ہی چن کر بیچی جائیں تو منجوناتھ کے گھر والے خوشحال زندگی گزار سکتے ہیں۔مگر جائداد کے  لالچ نے منجو ناتھ ہیگڈے کو اندھا کردیا اور آج وہ خود بھی جیل کی ہوا کھانے کے ساتھ نوجوان ہریش کو بھی قتل کے جرم میں شامل کرکے اس کی زندگی بھی برباد کرنے کا سبب بن گیا۔

پولیس کا کہنا ہے کہ پجاری وشویشورا بھٹ کے قتل میں شامل مزید ملزمین کی تلاش جاری ہے۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

دارالعلوم اسلامیہ عربیہ تلوجہ میں علمائے شوافع کی جانب سے فقہی سمینار کا انعقاد ؛ علماء فقہائے شوافع نے حقیقتاً حدیث اور فقہ میں بہت نمایاں کام کیاہے: خالد سیف اللہ رحمانی 

بروز سنیچر 19؍ جنوری مجمع الامام الشافعی العالمی کی جانب سے دو روزہ پہلے فقہی سمینار کا آغاز کیا گیا اس سمینار کا افتتاحی جلسہ صبح 10؍ بجے جامعہ دارالعلوم اسلامیہ عربیہ تلوجہ ممبئی میں منعقد کیا گیا

بھٹکل: ریاست کے مشہور سد گنگامٹھ کے شری کمار سوامی جی کی وفات پر رابطہ ملت اترکنڑا کا اظہار تعزیت

ریاست کے قدآور ، معروف سد گنگا مٹھ کے شری کمار سوامی جی کے دارِ فانی سے کوچ کر جانے پر رابطہ ملت اترکنڑا ضلع کے عہدیداران نے اظہار تعزیت کرتے ہوئے کہا ہے کہ سوامی جی ملک کی ایک قوت کی مانند تھے۔

گنگولی کے آراٹے ندی میں غرق ہوکر لاپتہ ہونے والے ماہی گیر کی نعش آج برآمد

یہاں آراٹے ندی میں غرق ہوکر کل رات ایک ماہی گیر لاپتہ ہوگیا تھا، جس کی نعش آج متعلقہ ندی سے برآمد کرلی گئی ہے۔ ماہی گیر کی شناخت آراٹے کڑین باگل کے رہنے والے  کرشنا موگویرا (50) کی حیثیت سے کی گئی ہے۔

کنداپور میں ہوئی چوری کی واردات کے بعد پولس نے گھر میں نوکری کرنے والے میاں بیوی کوکیا گرفتار

کنداور دیہات کے سٹپاڑی کے ایک گھرمیں ہوئی  چوری کے معاملے میں کنداپور دیہی پولس نے فوری کارروائی کرتے ہوئے اسی گھر میں کام کرنےو الے میاں بیوی کو صرف دو دنوں میں ہی گرفتار کر کے معاملے کو حل کرنے میں کامیابی حاصل کرلی  ہے۔

پُتور میں پیک آپ کار کی اومنی سے خطرناک ٹکر؛ ایک کی موت، دو شدید زخمی

ماروتی اومنی اور  پیک آپ کے درمیان ہوئی خطرناک ٹکر کے  نتیجے میں اومنی پر سوار ایک شخص کی موت واقع ہوگئی، جبکہ دوسرا شدید زخمی ہوگیا، حادثے میں پیک آپ کار ڈرائیور کو بھی چوٹیں آئی ہیں ۔ حادثہ منگل صبح مُکوے مسجد کے سامنے   پیش آیا۔

شیرور میں کار کی ٹکر سے بائک سوار کی موت

پڑوسی علاقہ شیرور نیشنل ہائی وے پر ایک کار کی ٹکر میں بائک سوار کی موقع پر ہی موت واقع ہوگئی جس کی شناخت محمد راشد ابن محمد مشتاق (21) کی حیثیت سے کی گئی ہے جو شیرور  بخاری کالونی کا رہنے والا تھا۔

ہائی کمان کہے تو وزارت چھوڑ نے کیلئے بھی تیار : ڈی کے شیو کمار

ریاست میں سیاسی گہما گہمی کا فی تیز ہونے لگی ہے ۔ ایک طرف جہاں کانگریس اور جنتادل( سکیولر) اپنی مخلوط حکومت کو بچانے میں لگے ہیں وہیں بھارتیہ جنتا پارٹی ( بی جے پی ) نے آپریشن کنول کے ذریعہ دیگر پارٹیوں کے اراکین اسمبلی کو خریدکر برسر اقتدار آنے کے حربے جاری رکھے ہیں۔