کھرگے نے لوک پال سلیکشن کمیٹی کی میٹنگ کا پھر کیا بائیکاٹ

Source: S.O. News Service | By Shahid Mukhtesar | Published on 15th March 2019, 8:57 PM | ملکی خبریں | ریاستی خبریں |

بنگلورو، 15 مارچ(ایس او نیوز؍آئی این ایس انڈیا) کانگریس کے سینئر لیڈر ملکا ارجن کھرگے نے لوک پال کے انتخاب کے لئے کمیٹی کے اجلاس میں حصہ لینے کے لئے خصوصی دعوت رکن کے طور پر بلائے جانے کی پھر مخالفت کی ہے۔انہوں نے جمعہ کو مجوزہ لوک پال سلیکشن کمیٹی کے اجلاس کا بائیکاٹ کیا ہے۔خصوصی مدعو رکن کے طور پر اجلاس میں بلائے جانے کی مخالفت کرتے ہوئے کھڑگے پہلے بھی کئی بار اس اجلاس کا بائیکاٹ کر چکے ہیں۔لوک سبھا میں کانگریس کے لیڈر نے وزیر اعظم نریندر مودی کو لکھے گئے خط میں کہا کہ لوک پال ایکٹ 2013 کی دفعہ چار میں خصوصی مدعو رکن کے لوک پال سلیکشن کمیٹی کی حصہ ہونے یا اس میٹنگ میں شامل ہونے کا کوئی قانون نہیں ہے۔انہوں نے الزام لگایا کہ 2014 میں حکمراں ہونے کے بعد سے اس حکومت نے لوک پال قانون میں ایسی ترمیم کرنے کی کوئی کوشش نہیں کی جس سے اپوزیشن کی سب سے بڑی پارٹی کا لیڈر منتخب کمیٹی کے رکن کے طور پر میٹنگ میں شامل ہو سکے۔اس سے پہلے گزشتہ سال ستمبر میں کھڑگے نے لوک پال کے انتخاب کے لئے کمیٹی کے اجلاس میں حصہ لینے سے انکار کردیا تھا۔ان کا کہنا تھا وہ اس وقت تک اجلاس میں شامل نہیں ہوں گے، جب تک انہیں خصوصی مدعو رکن کے بجائے مکمل رکن کا درجہ نہیں دیا جاتا۔کھڑگے نے وزیر اعظم نریندر مودی کو دو ستمبر 2018 کو لکھے اپنے پانچویں خط میں کہا ہے، حکومت مسلسل مجھے سلیکشن کمیٹی کے لئے بطور خصوصی مدعو رکن بلا رہی ہے جبکہ وہ اس حقیقت سے آگاہ ہے کہ لوک پال ایکٹ، 2013 کی دفعہ چار کے تحت ایسا کوئی قانون نہیں ہے۔

کھرگے اس سلسلے میں گزشتہ سال 28 فروری، 10 اپریل، 18 جولائی اور 18 اگست کو بھی وزیر اعظم کو خط لکھا تھا۔کانگریس لیڈر وزیر اعظم کو لکھے خطوط میں کہہ چکے ہیں کہ عمل میں شرکت، رائے درج کرانے اور ووٹنگ کے حقوق بغیر خصوصی مدعو رکن کے طور پر موجود ہونے کی اس دعوت کو قبول کرنا لوک پال ایکٹ کی خلاف ورزی ہوگی۔انہوں نے کہاکہ اس وجہ سے مجھے سلیکشن کمیٹی کے اجلاس میں موجود ہونے کی دعوت کو باعزت مسترد کرنے پر مجبور ہونا پڑا ہے،میں اس اجلاس میں اس وقت تک حصہ نہیں لوں گا، جب تک لوک پال ایکٹ 2013 میں سب سے بڑے اپوزیشن پارٹی کے لیڈر کو مکمل رکن کا درجہ نہیں دیا جاتا ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔