نئی دہلی:12/دسمبر(ایس او نیوز/آئی این ایس انڈیا) مدھیہ پردیش کے سابق وزیر اعلی شیوراج سنگھ چوہان نے کہا ہے کہ ریاست کے اسمبلی انتخابات میں بی جے پی کی شکست کے لئے مکمل طور وہ خود ذمہ دار ہیں۔انہوں نے کہا کہ وہ ہری بھری ریاست سونپ رہے ہیں،اب کانگریس کی ذمہ داری اسے آگے بڑھانا ہے۔انہوں نے یہ بھی کہا کہ کانگریس 10دنوں میں کسانوں کے قرض کو معاف کرنے کا وعدہ پورا کرے۔گورنر آنندی بین پٹیل کواپنا استعفیٰ دینے کے بعد بھوپال میں صحافیوں سے شیوراج سنگھ چوہان نے گفتگو کی۔انہوں نے کہا کہ حزب اختلاف بھی مضبوط ہے،ہمارے پاس 109ایم ایل اے ہیں،میرا کام تخلیقی تعاون ہے،چوکیداری کی اب ہماری ذمہ داری ہے۔چوہان نے کہا کہ ہم بھرا مدھیہ پردیش چھوڑ رہے ہیں،اب کانگریس نے اسے سنبھالا اور آگے بڑھاناہے۔انہوں نے کانگریس کو اپنے وعدے کی یاد دلائی اور کہا کہ 10دن کے اندر، کسانوں کا قرض معاف کرنے کا وعدہ پوراکرے،چوکیداری کا کام اب ہمارا ہے۔انہوں نے کہا کہ ہم عوام کے شکر گزار ہیں،ہم سب نے صدر (امت شاہ)کی قیادت میں کام کیا۔انہوں نے کہا کہ 2008میں ہم نے 38فیصد ووٹ حاصل کئے ہیں،اس وقت 40فیصد ووٹ ملے لیکن 109نشستیں،کبھی کبھی ایسا توازن بدل جاتا ہے،ہمیں اکثریت نہیں مل سکی، متوقع کامیابی حاصل نہیں کر سکے،اگر اس کے لئے کوئی ذمہ دار ہے توشیوراج سنگھ ہے،میں مکمل طور پر ذمہ دار ہوں۔بی جے پی کے اپوزیشن کے کردار کے بارے میں سوال پر شیوراج نے کہا کہ ہم ان لوگوں میں شامل نہیں ہیں جو خاموش ہیں۔حزب اختلاف کے لیڈرکے کردار میں آنے کے سوال پر انہوں نے کہا کہ اپوزیشن کا لیڈر کون ہوگا؟ یہ پارٹی فیصلہ کرے گی، لیکن ہم لیڈر تو ہیں ہی۔انہوں نے کہا کہ اگلے مرحلے 2019لوک سبھا انتخابات کے لئے تیار ہے،حکومت مرکز میں مودی کی قیادت کے تحت تشکیل دے گی۔جب پوچھاگیا کہ کیاوہ اب مرکز میں جائیں گے؟تو انہوں نے کہا کہ میری جان صرف مدھیہ پردیش میں رہتی ہے۔مودی یا شاہ کو شکست کے لئے ذمہ داری لینے کے سوال پر، چوہان نے کہا کہ سوال ہی نہیں ، یہ ریاست کا مسئلہ تھا،کیا وہ مستقبل میں عدم اعتماد تحریک لائیں گے؟ تو انہوں نے کہاکہ آگے آگے دیکھئے ہوتاہے کیا۔