امیت شاہ کا باربار دورہ ،ریاست نہیں سیاست کیلئے بی جے پی صدر کو کرناٹک کے بارے میں معلومات ہی نہیں : کے جے جارج
بنگلورو، 20؍اپریل(ایس او نیوز) بنگلورو ترقیات وزیر کے جے جارج نے کہاکہ بھارتیہ جنتاپارٹی( بی جے پی) کے قومی صدر امیت شاہ باربار کرناٹک کاجودورہ کرنے لگے ہیں وہ ریاست سے محبت اورلگاؤنہیں بلکہ جھوٹی سیاست کرنے کے مقصد سے آرہے ہیں۔ پردیش کانگریس کمیٹی دفتر میں اخباری نمائندوں سے بات کرتے ہوئے جارج نے امیت شاہ کو کراراجواب دیتے ہوئے کہاکہ انہیں ریاست کے متعلق کوئی جانکاری اورمعلومات ہی نہیں ہیں اوراس کووہ حاصل کرنا بھی انہیں چاہتے، انہوں نے بتایاکہ شہر کے متعلق امیت شاہ جھوٹی تشہیر کرتے ہوئے اس سے فائدہ اٹھانے کی کوشش کررہے ہیں۔ انہوں نے کہاکہ ان کی جھوٹی تشہیر ی مہم ہٹلر کے میڈیا صلاح کار گوبلس کے جیسی ہے۔ انہوں نے کہاکہ وزیراعلیٰ سدارامیا کی قیادت والی کانگریس حکومت نے شہر کی مجموعی ترقی کے متعلق تمام دستاویزات وہ امیت شاہ کو پیش کرنے کے لئے تیار ہیں ، ان دستاویزکوسنجیدگی کے ساتھ مطالعہ کرنے کے بعد امیت شاہ ریاستی حکومت پرنکتی چینی کرنے کی کوشش کریں۔ انہوں نے کہاکہ جھوٹی تفصیلات پیش کرکے امیت شاہ عوام کو گمراہ نہ کریں کہاکہ جس وقت ریاست میں بی جے پی حکومت قائم تھی اس وقت بنگلور شہر گاربیج سٹی میں تبدیل ہوچکاتھا۔ رات کے وقت ٹنڈرز طلب کرتے ہوئے رشوت خوری اوربدعنوانیوں کوبڑھاوا دیتے ہوئے بی بی یم پی کومعاشی بحران میں مبتلا کر چکی تھی۔ لیکن کانگریس کے دوراقتدارکے دوران بی بی یم پی کے قرضہ جات کواداکرتے ہوئے کوڑا کرکٹ نکاسی مسئلہ کو حل کرتے ہوئے پروسیسنگ یونٹس قائم کئے۔ انہوں نے بتایاکہ شہر کی اہم سڑکوں کوٹنڈر شدہ پراجکٹ کے تحت ترقی دی جارہی ہے۔ سب اوپن پراجکٹ کے لئے ریاستی حکومت نے 350کروڑجاری کرنے کیلئے کابینہ نے منظوری دی ہے اوراب تک 100کروڑ سے زائد کافنڈ بھی جاری کردیاگیا۔لیکن افسوس کہ مرکزحکومت اب تک مذکورہ پراجکٹ کے لئے ایک روپیہ بھی جاری نہیں کرپائی ہے۔ انہوں نے بتایاکہ بی جے پی لیڈروں نے اپنی تقاریر میں میٹروریل پراجکٹ ان کے دوراقتدار میں منظوری دینے کی باتیں کرنے لگے ہیں اورسب اربن ریلوے پراجکٹ کے لئے بھی فنڈجاری کرنے کی جھوٹی باتیں کرنے لگے ہیں ۔ انہوں نے کہاکہ بی جے پی لیڈروں نے اپنی ہار کے ڈر سے عوام کوگمراہ کرنے لگے ہیں ،لیکن ریاستی عوام بی جے پی لیڈروں کی جھوٹی باتوں میںآنے والی نہیں ہے اور اس مرتبہ بھی انہیں سبق سکھاتے ہوئے اس مرتبہ بھی کانگریس ہی کو برسراقتدار لائے گی۔