ملک میں آپسی منافرت پھیلانے کی کوشش انتہائی خطرناک: سنجے نروپم

Source: S.O. News Service | By Shahid Mukhtesar | Published on 22nd October 2018, 9:11 AM | ملکی خبریں |

ممبئی،22؍اکتوبر (ایس او نیوز؍ یو این آئی)  ملک میں آپسی منافرت پھیلانے کی کوشش انتہائی خطرناک رخ اختیار کرچکی ہے، جبکہ ڈرانے ودھمکانے کی سرکاری پالیسی کی وجہ سے ایک عام آدمی کے ساتھ ساتھ ہرکوئی فکر مند ہے، اس بات کا اظہار ممبران کانگریس کمیٹی کے صدر اور سینئر لیڈر سنجے نروپم نے آج یہاں علماء ودانشور سے ملاقات کےدوران کی۔

جنوبی ممبئی کی قدیم دینی درسگاہ دارالعلوم محمدیہ میں علمائے کرام، شہرکے معززین اور دانشوروں سے خطاب کرتے ہوئے انہوں نے مزید کہا کہ گزشتہ 4سال کے دوران مسلمانوں کو مختلف بہانوں سے نشانہ بنانے کاسلسلہ جاری ہے اوراخلاق، جنید اور پہلو خان جیسے بے گناہوں کو موت کے گھاٹ اتردیا گیا اور یہ ایک جیسا طریقہ ملک بھر میں منصوبہ بند طریقہ سے جاری وساری ہے۔

انہوں نے دعویٰ کیا کہ مسلمان کو تحفظ صرف مسلم دورحکومت میں ہی مل سکتا ہے۔ سنجے نروپم نے الزام عائد کیا کہ بی جے پی ملک کو ہندوراشٹر بنانے کے ایجنڈے پرگامزن ہے اور انہوں نے دستورکو ختم کرنے کی سازش رچی ہے جسے ہم کامیاب نہیں ہونے دیں گے۔ اس کے لیے اقلیتی فرقے سے ہمیں مکمل حمایت وتعاون چاہیے تاکہ 2019 کے انتخابات میں بی جے پی کو اقتدار سے دور رکھا جائے اور سیکولر پارٹیوں کو کامیابی دلائی جاسکے۔ بی جے پی کو اقتدار سے دور رکھنا انتہائی ضروری ہے۔ اس موقع پر انہوں نے علمائے کرام سے دعاء کی درخواست کی۔

سنجے نروپم نے کہا کہ بی جے پی حکومت نے ملک کی معیشت کو تباہ کردیا ہےاور ان کے حامی بینک کے اربوں روپے لیکر فرار ہوگئے ہیں اور حکومت ایسے لوگوں کیخلاف کارروائی کرنے سے معذور نظرآتی ہے۔ اس موقع پر دارالعلوم محمدیہ کے ناظم سیّد اطہرعلی نے ابتداء میں سنجے نروپم کا تعارف پیش کیا اور کہا کہ وہ ایک سیکولر لیڈر ہیں جوکہ فرقہ پرستوں کوترکی بہ ترکی جواب دیتے ہیں۔ آزاد میدان سانحہ کے موقع پر انہوں نے پارلیمنٹ میں کہا تھا کہ جن عالموں یا مولانا کرام کو انتہا پسند اوردہشت گرد قرار دینے کی کوشش کی جارہی ہے، ان کے بارے میں ضمانت لینےکے لیے میں تیار ہوں کہ ان کا اس سے دور کا بھی واسطہ نہیں ہے۔ مولانا ظہیرالدین خان، مولانا خالد اشرف، مولانا سلیم اختر، مولانا اعجاز کشمیری، ایڈوکیٹ یوسف ابراہانی، صابرنرمان، فاروق انصاری، جاوید جمال الدین، صلاح الدین ٹین والا اور دیگر موجود تھے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...