نئی دہلی،21؍ مارچ (ایس او نیوز؍آئی این ایس انڈیا)ایس سی-ایس ٹی ایکٹ پر سپریم کورٹ کے فیصلے کے بعد کانگریس نے اپنی رائے دی ہے۔سپریم کورٹ کے فیصلے سے ناراض کانگریس نے کہا کہ ایس سی-ایس ٹی ایکٹ کو مودی حکومت کمزور کر رہی ہے۔ساتھ ہی کانگریس نے سوال اٹھایا کہ آخر اس ایکٹ پر پی ایم مودی خاموش کیوں ہیں۔اتنا ہی نہیں، کانگریس نے اس ایکٹ کو کمزور کرنے کے لئے بی جے پی اور آر ایس ایس کو ذمہ دار ٹھہرایا۔بی جے پی پر حملہ بولتے ہوئے کانگریس نے کہا غریب اور دلت مخالف چہرہ سامنے آ گیا ہے۔ کانگریس نے کہا کہ مودی حکومت کی وجہ سے ملک میں سب سے زیادہ دلتوں پر ظلم ہو رہا ہے۔کانگریس اس معاملے میں سپریم کورٹ میں نظر ثانی عرضی داخل کرے گی۔کانگریس نے کہا کہ ہر 12 منٹ میں ایک دلت پر ظلم ہو رہا ہے۔40 ہزار آٹھ سو مقدمے ہوئے ہیں۔حکومت کے اعداد و شمار کہتے ہیں کہ اس معاملے میں محض 25 فیصد کیس میں ہی سزا ملتی ہے۔مودی حکومت نے سب پلان کو ختم کر دیا۔کانگریس نے کہا بی جے پی اس قانون کو کمزور کرنے کی کوشش کر رہی ہے اور پھر اس میں غور کرنے کی ضرورت۔رندیپ سرجیوالا نے کہا کہ حکومت کی حمایت سے استحصال ہو رہا ہے۔کانگریس نے کہا کہ ایس سی-ایس ٹی ایکٹ پر فیصلہ کافی افسوسناک ہے۔کانگریس نے یوگی کے صابن والا واقعہ اور یدیورپا پر بھی حملہ بولا اور کہا کہ یہ لوگ دلت کے گھر جاتے ہیں اور فائیو اسٹار ہوٹل سے کھانا منگوا کر کھاتے ہیں۔وہیں یوگی لوگوں سے ملنے کے بعد صابن سے ہاتھ دھوتے ہیں۔