منی شنکر ایئر کی رکنیت دوبارہ بحال ،مودی کیخلاف منفی تبصرہ پرکیا گیا تھا معطل
نئی دہلی 19 اگست (ایس او نیوز؍آئی این ایس انڈیا)گجرات اسمبلی انتخابات مودی کے لیے نیچ آدمی لفظ کا استعمال کرنے پر معطل منی شنکر ایئر کی کانگریس میں بنیادی رکنیت ایک بار پھر بحال کر دی گئی ہے ۔یہ فیصلہ پارٹی کی انتظامی کمیٹی کی سفارش کے بعد لیا گیا ہے۔
منی شنکر ایئر کو دسمبر 2017 میں اس وقت پارٹی سے معطل کر دیا تھا جب انہوں نے گجرات اسمبلی انتخابات کے پہلے مرحلے کے انتخابات کے دوران مودی کو نیچ آدمی کہہ دیا تھا اور ان کے اس بیان کو مودی سمیت بی جے پی کے تمام لیڈران ہنگامہ آرائی شروع کردی تھی ۔
مودی نے انتخابی ریلی میں کہا تھا کہ ان کی پسماندہ ہونے کی وجہ سے یہ بیان کیا گیا ہے ۔اس کے بعد کانگریس کوصفائی دینی پڑی تھی اور دباؤ بڑھنے پر ان کو پارٹی سے معطل کر دیا گیا۔ انتا ہی نہیں کانگریس صدر راہل گاندھی نے ٹوئٹر پر منی شنکر ایر کے اس بیان پر تنقید بھی کی تھی لیکن تب تک کانگریس کو اچھا خاصا نقصان ہو چکا تھا اور بعد میں منی شنکر ایر نے بھی اپنے اس بیان پر افسوس کا اظہار تھا۔منی شنکر ایئر نے کہا تھا کہ وہ ہندی اچھی طرح سے بولنا نہیں جانتے ہیں اس لئے اس لفظ کا استعمال کرتے وقت ان کو یہ نہیں پتہ تھا کہ اس کا کیا مطلب ہو سکتا ہے۔