مدن موہن جھا بہار کانگریس کے نئے صدر، ڈاکٹر اکھلیش کو تشہیری مہم کمیٹی کی کمان
نئی دہلی ،19؍ ستمبر (ایس او نیوز؍آئی این ایس انڈیا) کانگریس صدر راہل گاندھی نے بہار ریاستی کانگریس کمیٹی میں تبدیلی کرتے ہوئے مدن موہن جھا کو نیا ریاستی صدر مقرر کیا ہے اور چار کارگزار صدر بھی بنائے گئے ہیں۔ وہیں ڈاکٹر اکھلیش پرساد سنگھ کو تشہیری مہم کمیٹی کا صدر بنایا گیا ہے۔کانگریس جنرل سکریٹری اشوک گہلوت نے پریس ریلیز جاری کرکے اس کی جانکاری دیتے ہوئے بتایا کہ قومی صدر نے بہار ریاستی کانگریس کمیٹی میں تبدیلی کرتے ہوئے صدر کے علاوہ چار کارگزار صدور کی بھی تقرری کی ہے۔ ڈاکٹر اشوک کمار، کوکب قادری، سمیر کمار سنگھ اور شیام سندر دھیرج کو کارگزار صدر بنایا گیا ہے۔ گہلوت نے بتایا کہ اس کے ساتھ ہی ریاستی کانگریس مجلس عاملہ اور صلاحکار ٹیم کی بھی تشکیل کردی گئی ہے۔ ریاستی کانگریس مجلس عاملہ کمیٹی میں 23اراکین ہیں جس میں امیتا بھوشن، شکیل خان، پورن ماسی رام، ڈاکٹر محمد جواد آزاد، پریم چند مشرا، کرپاناتھ پاٹھک، راجیو کمار، بھاونا جھا، لال بابو لال، برجیش پانڈے، اجے کمار چودھری، جیا مشرا، پونم پاسوان، ونے ورما، امت کمار ٹونا، سدھیر کمار( بنٹی چودھری)، موتی لال شرما، شکیل الرحمن، کیلاش پال، آنند شنکر، پرگیا کشواہا، چندن یادو اور پروین کشواہا کا نام شامل ہے۔ اس کے علاوہ صلاحکار کمیٹی میں سدانند سنگھ، میرا کمار، ڈاکٹرشکیل احمد، نکھل کمار، کے کے تیواری، سدھیشور پرساد، چندن باغچی، انل شرما، جیوتی وجے شنکر دوبے، مولانا اسرارالحق، اودیش کمار سنگھ، وشوموہن شرما، رام دیو رائے، اوما پانڈے، عبدالجلیل مستان، شکیل الزماں انصاری اور ڈاکٹراکھلیش پرساد سنگھ شامل ہیں۔ گہلوت نے کہا کہ یہ تقرری فوری طور سے نافذ کردی گئی ہے۔