راجستھان کی ذمہ داری مکمل طور پرنبھائے گی کانگریس: راہل
جے پور،17؍ دسمبر (ایس او نیوز؍آئی این ایس انڈیا) راجستھان کے وزیر اعلیٰ اشوک گہلوت اور نائب وزیر اعلی سچن پائلٹ حلف برداری کے بعد کانگریس صدر راہل گاندھی نے پیر کو کہا کہ کانگریس ریاست کے عوام کی خدمت کرنے کی اپنی ذمہ داری مکمل طور پر نبھائے گی۔حلف برداری تقریب میں شامل ہونے کے بعد گاندھی نے ٹویٹ کیاکہ کانگریس پارٹی پر یقین کرنے کے لئے راجستھان شہریوں کا دل سے شکریہ ادا۔ کانگریس کے کارکنوں اور رہنماؤں کو ان کی جدوجہد کے کامیاب ہونے پر دل سے مبارک باد۔انہوں نے کہاکہ راجستھان کی خدمت کرنا کانگریس پارٹی کے لئے فخر کی بات ہے۔ہم اپنی ذمہ داری مکمل طورپر نبھائیں گے۔راجستھان کے تیسری بار وزیر اعلی بنے کانگریس کے سینئر لیڈر گہلوت اور ان کے ساتھ نئی حکومت میں بطور نائب وزیر اعلی کو شامل ہوئے سچن پائلٹ نے پیر کو عہدے اور رازداری کا حلف لیا۔راہل گاندھی، سابق وزیر اعظم منموہن سنگھ اور بہت سے دوسرے اپوزیشن لیڈروں کی موجودگی میں دونوں لیڈروں کا حلف برداری پروگرام ختم ہوا۔