انکم ٹیکس چھاپوں کے خلاف کانگریسیوں کا احتجاج جاری

Source: S.O. News Service | By Jafar Sadique Nooruddin | Published on 4th August 2017, 9:09 PM | ریاستی خبریں |

بنگلورو:4/اگست(ایس  او نیوز)  وزیر توانائی ڈی کے شیوکمار کی رہائش گاہ پر انکم ٹیکس کے چھاپوں کی مذمت کرتے ہوئے آج بھی ریاست بھر میں کانگریسیوں کی طرف سے احتجاج جاری رہا۔شہر میں کے پی سی سی محکمۂ قانون وانسانی حقوق کی طرف سے احتجاجی مظاہرہ کیا گیا۔ آنند راؤ سرکل میں گاندھی مجسمہ کے روبرو کانگریس کارکنوں نے جمع ہوکر وزیر اعظم مودی ، بی جے پی صدر امیت شا اور دیگر کے خلاف نعرہ بازی کی۔ ان کارکنوں نے مرکزی حکومت کی طرف سے کانگریس کاراست مقابلہ کرنے کی بجائے سرکاری مشنری کا غلط استعمال کرنے ، ڈی کے شیوکمار اور ان کے سبھی رشتہ داروں کے ٹھکانوں کو نشانہ بنائے جانے کی مذمت کی اور کہا کہ اس طرح کے حملوں سے ریاست میں کانگریس کی ساکھ متاثر کرنا ممکن نہیں ہے۔ آنے والے انتخابات میں ریاست میں دوبارہ کانگریس برسر اقتدار آئے گی۔ انہوں نے کہاکہ اسی خوف سے بی جے پی ریاست کے کانگریس قائدین کو بدنام کرنے پر تلی ہوئی ہے، آنے والے دنوں میں ریاستی عوام بی جے پی کو اس کیلئے ضرور سبق سکھائیں گے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔