نئی دہلی، 07 فروری(ایس او نیوز؍آئی این ایس انڈیا)وزیر اعظم نریندر مودی نے بدھ کوصدرجمہویہ کے خطاب پر لوک سبھا میں شکریہ ادا کرنے کے دوران ڈیڑھ گھنٹے تقریر کی۔ڈیڑھ گھنٹے کی تقریر میں وزیراعظم مودی نے کانگریس پر حملہ کیا۔ وزیراعظم کی تقریر شروع کرنے سے پہلے ہی مرکزی حکومت میں بی جے پی کے اتحادی تیلگو دیشم پارٹی اوراپوزیشن ہاؤس میں نعرے لگارہے تھے۔ یہ نعرے بازی تقریر ختم ہونے تک جاری رہی۔ کانگریس ایم پی رنجیتا رنجن وزیراعظم مودی کے خلاف نعرے بازی کی قیادت کر رہی تھیں۔انٹرویومیں بات کرتے ہوئے انہوں نے کہاہ یکہ گزشتہ چار سالوں تک وزیراعظم مودی نے لوگوں کو پانی پلایا ہے، اب ہم انہیں پلائیں گے۔ انہوں نے کہاہے کہ پورا ملک پی ایم کی اس تقریر کو سن رہا تھا، ہم نے ہاؤس میں لوگوں کی بات اٹھائی تھی، لوگ اب جملے نہیں سننا چاہتے ہیں۔رنجن نے کہاہے کہ جب ہم مودی کے خلاف نعرے لگاتے رہے تو ہمیں کانگریس کے صدر راہل گاندھی اور سابق صدر سونیا گاندھی کی مکمل حمایت ملی لیکن اس دوران بی جے پی کے کسی رکن نے مودی مودی کی حمایت میں بات نہیں کی۔ اس کا مطلب یہ ہے کہ بی جے پی ممبران پارلیمنٹ بھی مودی سے ناراض ہیں۔