مینگلور کےقریب بنٹوال میں کانگریس لیڈرپر میبنہ بی جے پی کے غنڈوں کا حملہ

Source: S.O. News Service | By I.G. Bhatkali | Published on 11th May 2018, 11:02 AM | ساحلی خبریں | ریاستی خبریں |

مینگلور 11/مئی (ایس او نیوز)  ریاست کرناٹک میں اسمبلی انتخابات کے لئے اب صرف ایک دن باقی رہ گیا ہے ایسے میں ایک طرف کانگریس لیڈران پر مبینہ بی جے پی کے غنڈے حملے کررہے ہیں تو وہیں دوسری طرف کچھ جگہوں پر   انکم ٹیکس کے چھاپے بھی پڑنے کی اطلاعات موصول ہورہی ہیں۔

مینگلور کے قریب بنٹوال میں جمعرات کی شب کانگریس لیڈر سنجیو پجاری کے مکان پر قریب پندرہ شرپسند گھس گئے اور سنجیو پجاری سمیت ان کی اہلیہ اور دیگر ملازمین پر حملہ کردیا اور اُن کی بری طرح پیٹائی کردی۔ واردات میں سنجیو پجاری اور ان کی اہلیہ کو قریبی اسپتال میں داخل کیا گیا ہے۔ سنجیوا پجاری کا کہنا ہے کہ اُن پر حملہ کرنے والے بی جے پی کے کارکن ہیں۔ 

بتایا گیا ہے کہ ضلع دکشن کنڑا کے انچارج وزیر بی رماناتھ رائی کی انتخٰابی مہم کے اختتام کے بعد سنجیوا پجاری اپنے گھر لوٹ آئے تھے، جس کے دوران اچانک کمپائونڈ میں ۱۵ سے زائد شرپسند گھس آئے اور ان کی کار کو نقصان پہنچاتے ہوئے سیدھے گھر کے اندر گھس کر سنجیوا پجاری اور ان کی اہلیہ پر حملہ کردیا۔ موقع پر موجود ملازمین  جب اُن کی مدد کرنے کی کوشش کی تو اُنہیں بھی زودوکوب کیا گیا۔

شرپسندوں نے ان کی کار کو بھی شدید نقصان پہنچایا ہے۔جبکہ کار پر موجود سنجیوا کو چھوڑنے کے لئے آئے ہوئے شنکرا، امّی، اور اقبال نامی ملازمین بھی ان کے حملوں کی زد میں آئے ہیں۔

بلّاوا کمیونٹی کے لیڈرسنجیوا پجاری، بنٹوال کی کانگریس انتخابی تشہیری کمیٹی کے صدر ہیں، وہ برہماشری نارائن گرو مندر کے بھی صدر ہیں۔

واردات کی اطلاع ملتے ہی بی رماناتھ رائی سمیت مقامی کانگریسی لیڈران فورا موقع پر پہنچے اور سنجیوا کوتھمبے اسپتال منتقل کیا۔

ایڈیشنل ایس پی سُجیت، بنٹوال رورل اسٹیشن آفسر اکشے ، سرکل پولس انسپکٹر پرکاش، پی ایس آئی چندرشیکھر اور شری کانت شٹی بھی واقعے کی جانکاری ملتے ہی جائے واردات پر پہنچ گئے  اور جائزہ لیتے ہوئے چھان بین شروع کردی۔

کانگریس لیڈران نے اس حملے کے پیچھے بی جے پی لیڈرس اور کارکنوں کو ذمہ دار ٹہرایا ہے۔

اس تعلق سے بنٹوال پولس اسٹیشن میں چار الگ الگ معاملات درج کئے گئے ہیں۔

اُدھر کاروار کے رکن اسمبلی اور  کانگریس  لیڈر ستیش سئیل کے قریبی سمجھے جانے والے منگل داس کے مکان پر آج جمعہ صبح محکمہ انکم ٹیکس کی جانب سے چھاپہ مارے جانے کی اطلاع موصول ہوئی ہے۔ اسی طرح بنگلور میں بھی ان کی رہائش گاہ چھاپہ مارے جانے کی اطلاع ملی ہے۔ البتہ ان چھاپوں سے  ان کے مکانوں سے کچھ برآمد کیا گیا ہے یا نہیں، اس بات کی تفصیلات ابھی موصول ہونی باقی ہے۔

خیال رہے کہ کل سنیچر 12 مئی کو پورے کرناٹک میں ایک ہی مرحلے میں الیکشن ہوں گے، جس کے لئے تیاریاں مکمل کرلی گئی ہیں۔

ایک نظر اس پر بھی

یلاپور میں پٹرول اور ڈیزل کی قیمتوں اور تھرڈ پارٹی انشورنس پریمئم میں اضافہ کے خلاف احتجاجی مظاہرہ

پٹرول اور ڈیزل کی قیمتوں کے علاوہ موٹر گاڑیوں کے تھرڈ پارٹی انشورنس پریمئم میں اضافہ کے خلاف ٹرک ڈرائیور اور مالکان کی یونین کی جانب سے یلاپور ماگوڈ کراس پر احتجاجی مظاہرہ کیا گیا۔ مظاہرین نے نیشنل ہائی وے 63پر ٹائر جلاکر لاریوں کی ہڑتال کی۔

منگلورو:24مقدمات میں مطلوب اور قاتلانہ حملے کے ملزمین گرفتار

الال پولیس نے ایک نوجوان کے قتل کی کوشش کرنے والے محمد مصطفےٰ عرف سونو (21سال) کو گرفتار کرلیا ہے اس کے علاوہ محمد حنیف (30سال)نامی بدنام زمانہ مجرم کوبھی گرفتار کیاگیا ہے جس کے بارے میں بتایا جاتا ہے کہ وہ 24مجرمانہ معاملات میں پولیس کو مطلوب تھا۔

سماج کی غلطیوں کو سدھارنے صحافی رول ادا کرسکتے ہیں تمام صحافیوں کو عنقریب انشورنس کی سہولیت مہیا کرائی جائیگی: جی ٹی دیوے گوڑا

بروز جمعہ میسور کے راماجوجا روڈ پر واقع راجیندرا کلامندر میں میسور ضلع صحافیوں کے زیر اہتمام منعقدہ یوم صحافت کے موقع پر میسور کے صحافیوں کو ایوارڈ سے نوازنے کے بعد خطاب کرتے ہوئے ریاستی وزیر برائے اعلیٰ تعلیم شری جی ٹی دیوے گوڈا نے کہا کہ سماج میں پائی جانے والی غلطیوں کو ...

ریاست کی مالی حالت بے حد خراب ہوئی ہے؛ ایڈی یورپا کا الزام کمار سوامی بھی سدارامیا کی راہ چل رہے ہیں؛ کچھ دن انتظار کرکے بی جے پی احتجاج کرے گی

ودھان سودھا میں اپوزیشن لیڈر بی ایس ایڈی یورپا نے کہا ہے کہ سابق وزیراعلیٰ سدارامیا کی قرضہ معافی سے ریاست کی معیشت پر بوجھ پڑاتھا، اسے وزیراعلیٰ کمار سوامی کی جانب سے بھی جاری رکھے جانے کے سبب ریاست کی مالی صورتحال خراب ہوگئی ہے۔

منگلور سے عازمین کا دوسرا قافلہ مدینہ منورہ روانہ ؛ حج بھون کی تعمیر کے لئے 10؍کروڑ مختص۔ ضمیر احمد نے زمین کا معائنہ کیا

منگلورو ایر پورٹ سے کل سنیچر شام عازمین حج کا پہلا قافلہ راست مدینہ منورہ روانہ ہوگیا تھا جو 144عازمین پر مشتمل تھا۔ اتنے ہی عازمین کا دوسرا قافلہ آج اتوار  صبح10:15بجے روانہ ہوا۔آخری قافلہ کل بروز پیر23؍جولائی کو سہ پہر تین بجے روانہ ہوگا۔

سائبر سیکورٹی کے نظام کو مستحکم کرنا ضروری 

دہشت گرداانہ حملوں اور سماج دشمن سرگرمیوں پر نظر رکھنے کے لئے جدید ترین ٹیکنالوجی کا استعمال کرتے ہوئے سائبر سیکورٹی قائم کی جارہی ہے جو کہ اس شعبے میں ہندوستان کی ایک اہم پیش رفت ہے۔