14جون کو کانگریس۔ جے ڈی ایس کوآرڈینیشن کمیٹی میٹنگ
بنگلورو،13؍جون (پی ٹی آئی ) کرناٹک کے لئے کانگریس ۔جے ڈی ایس کی پہلی کوآرڈی نیشن کمیٹی میٹنگ بنگلورو میں ہوگی جس کے دوران مخلوط حکومت کے شراکت دار اپنا کم سے کم مشترکہ پروگرام پیش کریں گے۔جے ڈی ایس کے سکریٹری جنرل دانش علی نے کہا کہ کمیٹی کے اراکین کرناٹک کی نئی حکومت کے اشتراک کویقینی بنانے کے لے جمعرات کی شام 4بجے ملاقات کریں گے ۔اس میٹنگ میں کانگریس اور جے ڈی ایس کے لیڈر مخلوط حکومت کے مشترکہ پروگرام اور دیگر اہم مسائل پر تبادلہ خیال کریں گے۔علاوہ ازیں اس میٹنگ میں وزیراعلیٰ ایچ ڈی کمارسوامی، نائب صدر جی پرمیشور، سابق وزیراعلیٰ سدارامیا اور آل انڈیا کانگریس کمیٹی جنرل سکریٹری انچارج کرناٹک کے سی وینوگوپال بھی شریک رہیں گے ۔ دانش علی نے کہاکہ اس میٹنگ میں مخلوط حکومت کی دونوں پارٹیاں ریاست کے مستقبل کے لائحہ عمل پر بھی تبادلہ خیال کریں گے
