قیادت میں کمی کی وجہ سے کانگریس ٹوٹ رہی ہے؛ گجرات میں شکست پرامت شاہ کاگول مول جواب

Source: S.O. News Service | By I.G. Bhatkali | Published on 10th August 2017, 1:35 AM | ملکی خبریں | ان خبروں کو پڑھنا مت بھولئے |

گاندھی نگر9اگست(ایس او نیوز/آئی این ایس انڈیا) بی جے پی صدر امت شاہ اور اسمرتی ایرانی کے گجرات سے راجیہ سبھا پہنچنے کے بعد گجرات بی جے پی نے ایک اعزازی تقریب کااہتمام کیاہے۔گجرات کے گاندھی نگر میں پارٹی رہنماؤں سے خطاب کرتے ہوئے امت شاہ نے کہا کہ میں اپنی پوری صلاحیت سے ترقی کے لیے کام کرنے کی کوشش کی ہے۔وزیراعلیٰ وجے روپانی اور نائب وزیراعلیٰ نتن پٹیل اس سفرکوآگے بڑھائیں گے۔ریاست میں قانون کا نظام بہترہے۔انہوں نے راجیہ سبھا میں ایک نشست کی ہار پر کہا کہ اگر دسمبر میں ہونے والے انتخابات میں پارٹی 150نشستیں جیتتی ہے تو گجرات کی تینوں راجیہ سبھا سیٹوں پر پارٹی کاقبضہ ہو گا۔انہوں نے کہا کہ ہم اس بار بھی تینوں سیٹیں جیت سکتے تھے۔امت شاہ نے کہا کہ وزیر اعظم مودی نے ماڈل پیش کیاہے۔انہوں نے ہر ریاست اور معاشرے کے ہر طبقے کی ترقی کاحل کیاہے۔ریاست کی تمام کمیونٹیزکے لیے ترقیاتی کام کرائے گئے ہیں۔یہی وجہ ہے کہ نریندر مودی کی قیادت میں پورے ملک سے اکثریت ملی اورمضبوط حکومت بنی۔کانگریس کی قیادت میں کمی کی وجہ سے ٹوٹ رہی ہے۔کوئی اور وجہ نہیں ہے۔کانگریس پر نشانہ لگاتے ہوئے امت شاہ نے کہاکہ نریندر مودی حکومت نے لوک سبھا میں او بی سی کمیشن کو آئینی درجہ دینے کی تجویز پاس کی لیکن کانگریس نے راجیہ سبھا میں اس میں رکاوٹ لگا دی۔

ایک نظر اس پر بھی

اگرپاکستانی الیکشن میں مداخلت کررہاہے تواین آئی اے کیاکررہی ہے، اسدالدین اویسی کاسوال ،بنکاک میں پاکستان کے ساتھ مجوزہ میٹنگ کی تفصیلات بتائیں مودی

حیدرآبادکے رکن پارلیمنٹ و صدر کل ہند مجلس اتحاد المسلمین بیرسڑاسد الدین اویسی نے کہا ہے کہ گجرات کے انتخابی جلسوں میں جس طرح کی زبان وزیراعظم نریندر مودی استعمال کر رہے ہیں، اس پر ان کو کوئی تعجب نہیں ہوا ہے۔

خبطی ’ وکاس‘ کا تازہ ترین سروے ، مہنگائی آسمان پر ،اشیاء خوردنی کی قیمتوں میں اضافہ ، نومبر میں شرح 15 ماہ بلند سطح پر

سبزیاں، پھل او ر انڈوں کی قیمتوں میں بے تحاشہ اضافہ کی بری خبر ہے ۔ دن رات ٹی وی ڈیبیٹ نے عوام کو اس قدر غافل اور نکما کر دیا ہے کہ آج ہونے والے ہندو۔ مسلم موضوع پر پارٹی کے بکواس ترجمان کی ہنگامہ آرائی کو تو یاد رکھتے ہیں ؛

منی شنکر ایر کا بیان غلط:لیکن مودی جی نے جو منموہن سنگھ کے بارے میں کہا وہ بھی ٹھیک نہیں:راہل گاندھی

گجرات اسمبلی انتخابی مہم کے آخری دن پریس کانفرنس کرکے کانگریس صدر راہل گاندھی نے ایک بار پھر پی ایم مودی کو نشانے پر لیا ہے۔انہوں نے صاف کہا کہ مودی جی پر منی شنکر ایر کا تبصرہ بالکل غلط تھا آخر وہ ہمارے وزیر اعظم ہیں۔

’’بھگوا غنڈہ گردی ملک کی سلامتی کے لیے سب سے بڑا خطرہ ‘‘: آل انڈیا امامس کونسل

ہندوتواوادی اور فسطائی غنڈے نے پھر سے ملک کو شرمسار کر دیا۔ ایک نہتے اور بے قصور مزدور افراز الاسلام کو مزدوری دینے کے بہانے بلاکر پھاوڑے سے قتل کر دینا اور پھر پٹرول چھڑک کر آگ لگا کر جلا دینا ملک کے لیے ایک انتہائی شرمناک معاملہ ہے۔