لنگایت کو علاحدہ مذہب کا درجہ دینے ریاستی کابینہ کا بڑا فیصلہ؛مرکزی حکومت کو سفارش روانہ ، اقلیتوں پر اثر پڑنے کا خدشہ؛ مسلم لیڈران نے اُٹھائی آواز

Source: S.O. News Service | By Shahid Mukhtesar | Published on 20th March 2018, 12:57 AM | ریاستی خبریں | ملکی خبریں |

بنگلورو۔19؍مارچ(ایس او نیوز)  ریاستی کابینہ اجلاس میں آج جیسے ہی لنگایت ویر شیوا کا معاملہ زیر بحث آیا تو اجلاس میں حاضر دونوں گروپوں کے وزراء کے درمیان گرما گرم بحث شروع ہوگئی، جس پر وزیراعلیٰ سدرامیا نے مداخلت کرتے ہوئے دونوں گروپوں کو خاموش کرایا۔

کابینہ اجلاس میں  کافی غوروخوض کے بعد ریاست کے طاقتور ویر شیوا لنگایت طبقے کو اقلیت کے طور پر تسلیم کرتے ہوئے اس سلسلے میں مرکزی حکومت کو سفارش روانہ کرنے کا فیصلہ کیا گیا۔

ریاستی وزیر برائے آبی وسائل ایم بی پاٹل نے کابینہ اجلاس کے فوراً بعد ریاستی حکومت کے اس فیصلے کا اعلان کیا اور کہاکہ صدیوں سے اقلیتی طبقے کا درجہ حاصل کرنے اور اپنے آپ کو ہندو مذہب سے علیحدہ کرنے کیلئے ان دونوں طبقات کی مانگ کو منظوری دے کر ریاست کے ہندو طبقے کو دو حصوں میں تقسیم کردیا۔ اس سلسلے میں ریاستی حکومت کی طرف سے تشکیل شدہ جسٹس ناگ موہن داس کمیشن اور ریاستی اقلیتی کمیشن کے طرف سے دی گئی سفارشات کو کابینہ نے آج طویل بحث کے بعد منظوری کا اعلان کردیا اور کہا کہ اس طبقے کو اقلیت میں شامل کرنے کیلئے حکومت کی طرف سے جب نوٹی فکیشن جاری کیا جائے گا اس کے ساتھ ہی یہ طبقہ اقلیت کا حصہ بن جائے گا۔ ریاستی کابینہ کے فیصلے کے مطابق ریاست میں بسونا کی تعلیمات پر عمل کرنے والے لنگایت اور ویر شیوا طبقات اب اقلیت کہلائیں گے،اور انہیں اکثریت میں شمار نہیں کیا جائے گا۔ایم بی پاٹل نے اس ضمن میں آج ریاستی کابینہ کے فیصلے کو تاریخ ساز قرار دیتے ہوئے کہاکہ اس کیلئے وہ وزیراعلیٰ سدرامیا اور اپنے کابینی رفقاء کو مبارکباد پیش کرتے ہیں۔ کابینہ کے فیصلے کے مطابق بہت جلد ہی اس سلسلے میں دستاویزات مرکزی حکومت کو پیش کئے جائیں گے، اور اس کے تمام پہلوؤں کا جائزہ لے کر مرکزی حکومت کی طرف سے منظوری ملنے کاامکان ہے۔ا س موقع پر موجود وزیر باغبانی ایس ایس ملیکارجن نے بھی ریاستی کابینہ کے فیصلے کا خیر مقدم کرتے ہوئے کہاکہ ویرا شیوا اور لنگایت دونوں فرقوں کی طرف سے وزیر اعلیٰ سدرامیا سے نمائندگی کی گئی تھی کہ ان دونوں کو اقلیت کے طور پر تسلیم کیاجائے ، جسے سدرامیا نے منظور کرلیا ہے۔ اس کیلئے انہوں نے وزیراعلیٰ کا شکریہ ادا کیا۔ 

لنگایت طبقے کو اقلیتی درجہ دئے جانے پر اقلیتوں پر اثر پڑنے کا خدشہ
ریاستی کابینہ کی طرف سے لنگایت طبقے کو ویرا شیوا کے ساتھ ملاکر الگ مذہب کا درجہ دینے اور اسے اقلیت تسلیم کرنے پر کئی اقلیتی لیڈروں نے مختلف خدشات ظاہرکئے ہیں کہ لنگایت طبقہ کو اقلیتی طبقہ کا درجہ دئے جانے سے وہ اقلیتی طبقات میں اکثریت میں آجائیں گے، جبکہ مسلمان اب تک اقلیت میں اکثریت میں تھے، وہ اقلیت میں اقلیت بن جائیں گے۔ اقلیتی طبقات کے لئے جو فلاحی اسکیمیں اور فنڈ جاری ہوتا ہے، اس کا بڑا حصہ لنگایت طبقہ کے لوگوں کو چلا جائے گا۔ مختلف اقلیتی اداروں پر لنگایت طبقہ کا قبضہ ہوجائے گا۔

اس تعلق سے بیشتر کابینی وزراء نے اس معاملے میں اپنے اپنے طبقے کی نمائندگی کرتے ہوئے جہاں اپنی بات رکھی، وہیں ریاستی کابینہ میں مسلم وزراء کی طرف سے قیادت کرتے ہوئے وزیر شہری ترقیات وحج جناب روشن بیگ نے وزیراعلیٰ سدرامیا کو متنبہ کیا کہ لنگایت طبقے کو اقلیت میں شامل کئے جانے سے ریاست میں سب سے بڑی اقلیت مسلمانوں کے مفادات کو متاثر کیا گیاتو اسے برداشت نہیں کیا جائے گا۔ آج وزیر اعلیٰ سدرامیا کی صدارت میں منعقدہ کابینہ میٹنگ کے دوران لنگایت طبقے کو الگ مذہب کا درجہ دئے جانے کے متعلق جسٹس ناگ موہن داس کمیٹی کی سفارشات کو منظور کرنے سے قبل اس پر ہوئی بحث میں حصہ لیتے ہوئے جناب روشن بیگ اور وزیر برائے بنیادی وثانوی تعلیمات تنویر سیٹھ نے اپنے طور پر وزیراعلیٰ سدرامیا سے کہاکہ لنگایت طبقے کو اگر اقلیت کا درجہ دیا جارہاہے تو ساتھ ہی یہ بھی یقینی بنایا جائے کہ فی الوقت اقلیت کے طور پر مسلم طبقے کو حکومت سے جو مراعات حاصل ہیں ان میں کوئی کمی نہ آنے  پائے۔ جناب روشن بیگ نے وزیر اعلیٰ سدرامیا کو واضح الفاظ میں بتایاکہ اب تک اقلیتوں میں مسلمانوں کو سب سے بڑا تسلیم کرتے ہوئے جو جو سہولتیں حاصل رہی ہیں ان کو اور بھی بہتر بنانے کی ضرورت پر زور دیا جاتا رہا ہے، اور حکومت کو بھی اسی سمت میں فکر مندرہنا چاہئے۔ انہوں نے کہاکہ مسلمانوں کا ایک بڑا  طبقہ اس بات کو لے کر فکرمند ہے کہ لنگایت طبقے کو اقلیت کا درجہ دئے جانے سے بحیثیت اقلیت مسلمانوں کی مراعات اور سہولتیں متاثر ہوسکتی ہیں۔ انہوں نے کہاکہ وزیر اعلیٰ یقینی بنائیں کہ کابینہ نے آج جو فیصلہ لیا ہے اس کی وجہ سے مسلمانوں کے مفادات متاثر نہ ہونے پائیں۔

جناب روشن بیگ کے ان احساسات سے اتفاق کرتے ہوئے تنویر سیٹھ نے ریاستی حکومت کی طرف سے اقلیتوں کی فلاح وبہبود کیلئے اٹھائے گئے اقدامات کا تذکرہ کیا اور کہاکہ لنگایت طبقے کو اگر اقلیتوں میں شمار کیا جانے لگاتو آنے والے دنوں میں دیگر اقلیتوں کی حصہ داری متاثر ہوسکتی ہے، وزیر اعلیٰ سدرامیا سب سے پہلے یہ بات یقینی بنائیں کہ ایسی کوئی ناانصافی مسلمانوں کے ساتھ نہ ہونے پائے۔ لنگایت طبقے کو اقلیت کا درجہ دئے جانے پر ریاست کے مسلمانوں کو کوئی اعتراض نہیں ، لیکن اس سے ان کی مراعات ہرگز متاثر نہ ہوں ان کی فکر اسی بات کو لے کر ہے۔ اس مرحلے میں حالانکہ وزیراعلیٰ سدرامیا کی طرف سے کوئی واضح یقین دہانی نہیں کرائی گئی لیکن دونوں وزراء کی پرزور نمائندگی نے سرکاری حلقوں میں یہ تاثر ضرور عام کردیا ہے کہ مسلم قیادت نے یہ آواز اٹھائی ہے کہ لنگایت طبقے کو اقلیت میں شمار کئے جانے کے فیصلے سے مسلم طبقے کو جو خدشات ہیں وہ ارباب اقتدار تک پہنچ چکے ہیں۔ اور ان خدشات کا ازالہ کرنے کیلئے سرکاری سطح پر آنے والے دنوں میں ضرور قدم اٹھائے جاسکتے ہیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...