مدھیہ پردیش: نتائج آنے سے پہلے بی جے پی میں مچا کہرام ، شیوراج حکومت کے وزیر اور ممبر اسمبلی نے اٹھائے پارٹی پر سوال

Source: S.O. News Service | By Shahid Mukhtesar | Published on 3rd December 2018, 12:48 AM | ملکی خبریں |

بھوپال،02؍ دسمبر (ایس او نیوز؍آئی این ایس انڈیا) مدھیہ پردیش اسمبلی انتخابات کے نتائج آنے سے پہلے ہی بھارتیہ جنتا پارٹی میں ہنگامہ آرائی کی خبریں آ رہی ہیں۔شیوراج سنگھ چوہان حکومت کے ایک وزیر اور ممبر اسمبلی نے پارٹی قیادت پر سوال اٹھائے ہیں۔دونوں کی ہی اس بار اسمبلی سیٹ بدل دی گئی تھی۔ بی جے پی کی موجودہ ممبر اسمبلی اوشا ٹھاکر کے ذریعہ ان کی سیٹ بدلے جانے کو لے کر بیان کئے گئے درد کو وزیر کسم مہدیلے کا بھی ساتھ مل گیا ہے۔مہدیلے نے ٹھاکر کے ساتھ نا انصافی ہونے کی بات کہی ہے۔بھارتیہ جنتا پارٹی (بی جے پی) کی اندور سے موجودہ رکن اسمبلی اوشا ٹھاکر کی ایک ویڈیو وائرل ہوئی ہے جس میں وہ پارٹی کے قومی جنرل سکریٹری کیلاش وجے ورگی پر قومی صدر امت شاہ سے سیٹنگ کرکے اپنے بیٹے آکاس وجے ورگی کو ٹکٹ دلانے کا الزام لگا رہی ہیں۔ ٹھاکر کے اس ویڈیو پر مہدیلے ٹویٹ کرکے ان کے درد میں شریک ہوئی ہیں۔انہوں نے اپنے ٹویٹ میں لکھا ہے کہ اوشا ٹھاکر جی آپ کے ساتھ نا انصافی ہوئی ہے۔بے وجہ آپ کو اپنی اسمبلی 3 اندور چھوڑکرسوائے مہو جانا پڑا۔ہمیں آپ سے ہمدردی ہے۔ مہدیلے کو پارٹی نے پنا سے امیدوار نہیں بنایا وہ گزشتہ انتخابات یہاں سے جیتی تھی اور ان کا ٹکٹ کاٹ کر سابق وزیر برجیدر پرتاپ سنگھ کو پارٹی نے امیدوار بنایا ہے۔وہیں اوشا ٹھاکر کا اسمبلی حلقہ اندور تین سے بدل کر مہو کیاگیا۔ٹھاکر کے مقام پر پارٹی کے سیکرٹری جنرل کیلاش وجے ورگی کے بیٹے آکاس کو امیدوار بنایا گیا ہے۔وائرل ہوئے ویڈیو میں ٹھاکر نے پارٹی میں کنبہ پروری بڑھنے کا الزام لگایا ہے۔

ایک نظر اس پر بھی

آندھرا پردیش اسمبلی انتخا بات میں تیلگو دیشم پارٹی کو بھاری شکست کےآثار؛ جگن موہن ریڈی کی وائی ایس آر کانگریس کو مل رہی ہے شاندار کامیابی

آندھرا پردیش میں اسمبلی انتخابات  کے ووٹوں کی گنتی جاری ہے، مگر دوپہر تک ملی اطلاع کے مطابق  یہاں وائی ایس آر کانگریس کے جگن موہن ریڈی بھاری جیت درج کرتے نظر آرہے ہیں اور برسراقتدار پارٹی تیلگودیشم صرف 29 سیٹوں پر سمیٹتی نظر آرہی ہے۔یہاں صرف ان ہی دو پارٹیوں کے درمیان راست ...

انتخابات کے دوران تشدد معاملہ:سپریم کورٹ نے بی جے پی امیدوار ارجن سنگھ کو دی راحت، 28 مئی تک گرفتاری پر لگائی روک

مغربی بنگال کے بیرکپور سے بی جے پی امیدوار ارجن سنگھ کو سپریم کورٹ سے راحت مل گئی ہے۔سپریم کورٹ نے 28 مئی تک ان کی گرفتاری پر روک لگا دی ہے۔غور طلب ہے کہ ارجن سنگھ نے کہا تھاکہ مجھ پر ریاستی حکومت نے 21 کیس درج کئے ہیں۔

رافیل معاملہ: سپریم کورٹ سے اپیل،بند لفافے میں غلط معلومات دینے والے افسران کے خلاف کارروا ئی ہونی چاہیے 

رافیل معاملے پر تنازعہ ختم ہوتا نظر نہیں آ رہا ہے۔اس معاملے میں درخواست گزار یشونت سنہا، ارون شوری اور پرشانت بھوشن نے نظر ثانی کی درخواست پر تحریری دلیلیں سپریم کورٹ میں داخل کی ہیں۔

جبل پورسیمی مقدمہ،دہشت گردی کے الزام سے نچلی عدالت سے بری ملزمین کے خلاف داخل حکومت کی اپیل خارج،جمعیۃ علماء کی کوششوں سے ملزمین کو راحت ملی: گلزار اعظمی

ممنوعہ تنظیم اسٹوڈنٹس اسلامک موومنٹ آف انڈیا (سیمی) سے تعلق رکھنے کے الزام میں گرفتار5/ مسلم نوجوانوں کی نچلی عدالت سے باعزت رہائی کے خلاف حکومت کی جانب سے داخل اپیل کو گذشتہ ہفتہ جبل پور کی سیشن عدالت نے یہ کہتے ہوئے خارج کردیا

سیٹلائٹ ری سیٹ -2بی کا کامیاب تجربہ

ہندوستانی خلائی ریسرچ تنظیم (اسرو) نے چہارشنبہ کو لانچ وہیکل پی ایس ایل وی-سی46 سے زمین کی نگرانی کرنے والے رڈار امیجنگ سیٹلائٹ آر آئی ایس ٹی۔ 2 بی کا کامیاب تجربہ کرکے ایک بار پھر بڑی کامیابی حاصل کی۔

لوک سبھا انتخابات کے نتائج؛ ملک میں پھر ایک بار مودی سرکار؛ کانگریس اور اسکی حلیف جماعتوں کو شرمناک شکست کا سامنا

لوک سبھا انتخابات کی 542 سیٹوں کے لئے  ووٹوں کی گنتی جاری ہے اور اب تک سامنےآئے رجحانات میں بی جے پی اور اس کی حلیف این  ڈی اے  کو زبردست جیت حاصل ہورہی ہے اس کے ساتھ ہی  پھر ایک بار مودی سرکار کا  اقتدار میں آنا طئے ہے۔ کانگریس اور اس کی حلیف جماعتیں اس قدر پیچھے نظر آرہی  ہیں ...