بھٹکل میں کانگریس کے روڈ شو میں عوام کی اُمڈ پڑی بھیڑ: عوام الناس سے خطاب کرتے ہوئے منکال وئیدیا نے کہا؛ میری عوامی خدمات ہی مجھے جیت دلائے گی

Source: S.O. News Service | By Abu Aisha | Published on 9th May 2018, 9:49 PM | ساحلی خبریں | ان خبروں کو پڑھنا مت بھولئے |

بھٹکل 9/مئی (ایس او نیوز)  12 مئی کو ہونے والے کرناٹکا اسمبلی انتخابات کے لئے  اپنی تشہیری مہم چلانے  آج  بدھ کو  کانگریس کی طرف سے بھٹکل میں  زبردست روڈ شو کا اہتمام کیا گیا جس میں سبھی طبقات کے لوگوں نے کثیر تعداد میں شرکت کرتے ہوئے   بھٹکل کے کانگریسی اُمیدوار منکال وئیدیا کےحق میں اپنی حمایت کا ثبوت پیش کیا۔

اس موقع پر گفتگو کرتے ہوئے منکال وئیدیا نے کہا کہ مخالفین  چاہیں جتنے بھی  الزام لگائیں اور اُنہیں جو چاہے  کہنے دیں،  مگر میں نے اپنی میعاد میں جو کام کیا ہے، میں  اُس سے پوری طرح مطمئن ہوں اور میں  گذشتہ پانچ برسوں میں ایک دن بھی ضائع کئے بغیر عوامی کاموں میں ہی مصروف رہاہوں۔ 

منکال وئیدیا  نے حلقہ کے عوام پر اعتماد جتاتے ہوئے کہاکہ مجھے سو فی صد یقین ہے کہ  میرے حلقہ کے عوام ترقی کے خواہاں ہیں اور ہمیشہ تعلیمی ترقی کو ترجیح دیتے ہیں ، غریبوں کو  بنیادی سہولیات فراہم کرنے والی سرکار  کے حق میں ہیں۔ مزید کہا کہ  ہمارے حلقہ کے عوام ڈھونگی بھاشن دینے والوں کی کبھی حمایت نہیں کریں گے۔

انہوں نے کہا کہ  میں اپنے پانچ برسوں میں عام لوگوں کی خبرگیری کرتے ہوئے انہیں راحت دینے کی کوشش کی ہے، مگر آج جھوٹے وعدے اور دعوے کرنے والے ، عوام کی خدمت کرنے والے  کو بدنام کرنے کی کوشش کررہے ہیں ۔

روڈ شو میں حلقہ کے دو اکثریتی طبقہ کے رائے دہندگان کے ساتھ ساتھ پسماندہ طبقات ، پچھڑے طبقات اور ماہی گیر طبقات کے ہزاروں لوگوں نے شرکت کی اور  منکال وئیدیا کی تائید کی۔  

ایک نظر اس پر بھی

بھٹکل تعلقہ چتراپور کے کلدیپ کمار نیشنل لیول کے لئے منتخب

ٹمکور ضلع میں منعقد ہوئے ریاستی سطح کے پرائمری اسکول کھیل مقابلوں میں شرالی چتراپور کی سرکاری ماڈل پرائمری اسکول کے طالب علم کلدیپ کمار جگتپال کشیپ ڈسک تھرو میں بہترین مظاہرہ پیش کرتے ہوئے قومی سطح کے لئے منتخب ہواہے۔

بھٹکل سڑک حادثے میں شدید زخمی آٹو ڈرائیور اسپتال میں چل بسا؛ بھٹکل میں رکشہ سروس بند

گزشتہ 11نومبر کو رنگین کٹے کی قومی شاہراہ پر کار اور آٹورکشاکے درمیان ہوئے سڑک حادثے میں شدید زخمی ہوکر اسپتال میں زیر علاج ہیبلے ، تنگنگنڈی کے آٹوڈرائیور ناگیش سنتما نائک (50) کی علاج کارگر نہیں ہونے سے  پیر کی صبح موت ہوگئی ۔

دس گھنٹوں تک بجلی سپلائی بند ہوجانے سے بھٹکل کے بعض اسکولوں میں دی گئی چھوٹے بچوں کو چھٹی؛ مچھروں اور گرمی سے عوام کا حال بے حال

اتوار شام آٹھ بجے سے پیر صبح دس بجے تک بھٹکل تعلقہ میں بجلی  سپلائی بند ہوجانے سے آج پیر صبح  بھٹکل کے بعض پرائیویٹ اسکولوں میں چھوٹے بچوں کو چھٹی دینی پڑی کیونکہ  الیکٹری سٹی نہ ہونے سے اسکول میں پانی  بند ہوگیا اور بالخصوص ٹوائلٹ میں پانی نہ ہونے سے اسکول انتظامیہ کے لئے ...

انجمن کے موظف پرنسپال ڈاکٹر ضمیر اللہ شریف 21ویں ضلعی کنڑا ادبی اجلاس کے صدر منتخب

یلاپور میں 22اور23ڈسمبر 2018کو منعقد ہونے والے اترکنڑا ضلع 21ویں کنڑا ادبی اجلاس کے لئے انجمن ڈگری کالج اینڈ پی جی سنٹر بھٹکل کے موظف پرنسپال اور  ریاست کے مشہور و معروف کنڑا شاعر، ادیب، نقاد اورکالم نگار ڈاکٹر ضمیر اللہ شریف بطور صدر منتخب کئے گئے ہیں۔

حج 2019: درخواست فارم کی تاریخ میں 25 روزکی توسیع، 12 دسمبرتک جمع کئے جاسکتے ہیں فارم

حج 2019 کے لئے درخواست فارم داخل کرنے کی آخری تاریخ میں توسیع کردی گئی ہے۔ اب 12 دسمبر تک حج فارم جمع کئے جاسکتے ہیں۔ مرکزی حج کمیٹی نے آج ممبئی کے حج ہاوس میں منعقدہ میٹنگ میں مزید 25 روز کے اضافے کا اعلان کیا ہے۔

منوہر لال کھٹر کا متنازع بیان ، کہا : ایک دن کی ان بن پر آبروریزی کا کیس درج کروادیتی ہیں لڑکیاں

ہریانہ کے وزیر اعلی منوہر لال کھٹر کا پنچکولہ ضلع کے کالکا شہر سے ایک متنازع بیان سامنے آیا ہے۔ یہاں ایک پروگرام کے دوران جمعہ کو انہوں نے آبروریزی کو لے کر براہ راست طور پر خواتین کو ہی ذمہ دار ٹھہرایا ۔ ان کے اس متنازع بیان نے اپوزیشن کو حملہ آور ہونے کا موقع دیدیاہے۔ کھٹر ...

ایودھیا کا ماحول گرم کرنے کی کوششیں ، 10 ہزار نوجوانوں میں ترشول تقسیم ، ضرورت پڑنے پر مزید ترشول کی ہوگی تقسیم : دیویندر مشرا 

رام مندر تعمیر کے لیے آر ایس ایس سے منسلک تنظیموں نے بڑے پیمانے پر تیاری شروع کر دی ہے۔ اس کے تحت وی ایچ پی کی یوتھ وِنگ یعنی بجرنگ دل نے نئے سرے سے ترشول چلانے کی تربیت دینی شروع کر دی ہے۔ایودھیا میں متنازعہ زمین کا معاملہ بھلے ہی سپریم کورٹ میں زیر التوا ہے، لیکن آر ایس ایس ...