کانگریس نے عوام کو دھوکہ دیا: راج ناتھ سنگھ

Source: S.O. News Service | By Shahid Mukhtesar | Published on 2nd December 2018, 9:56 PM | ملکی خبریں |

بانسور: الور،02؍ دسمبر (ایس او نیوز؍آئی این ایس انڈیا) وزیر داخلہ راجناتھ سنگھ نے کانگریس پر الزام لگایاہے کہ ملک پر55 سال تک حکومت کرنے والی اس پارٹی نے ملک کے عوام کو ٹھگا اور دھوکہ دیا ہے۔

راجناتھ نے یہاں انتخابی ریلی میں کانگریس پر ہندوستان کو دنیا کے غریب ممالک میں قطار میں کھڑا کرنے کا الزام لگایا۔انہوں نے کہاکہ ہم نے عوام کی آنکھیں میں دھول جھونک کر سیاست نہیں کی بلکہ عوام کی آنکھوں میں آنکھیں ڈال کر سیاست کی ہے۔

انہوں نے کہاکہ اعداد وشمار بتاتے ہیں کہ کانگریس نے 55 سال میں راجستھان میں کیا کیا اور وسندھرا راجے کی حکومت نے راجستھان کی ترقی کے لیے کیا کام کیا ہے۔50 سال میں کانگریس نے صرف 103 آئی ٹی آئی کھولے جبکہ راجے نے اپنے پانچ برسوں کے دوران 958 آئی ٹی آئی کھولے ہیں۔

انہوں نے کہاکہ انتخابات آنے پر کانگریس کے لوگ مندر پہنچ جاتے ہیں۔اس سے پہلے مندر میں جاکر ان کو پوجا کرتے نہیں دیکھا گیا۔کانگریس کے لیے مندر اور گائے انتخابی مسئلہ ہو سکتا ہے لیکن بی جے پی کے لیے مندر انتخابی اسٹنٹ نہیں ہو سکتا۔یہ ہمارے ثقافتی زندگی کا اٹوٹ حصہ ہے۔

ایک نظر اس پر بھی