جے این یوکے بعداب ڈی یومیں بھی بی جے پی کوخفت کاسامنا ،اسٹوڈنٹ یونین کے الیکشن میں زبردست شکست،کانگریس کی واپسی

Source: S.O. News Service | By Shahid Mukhtesar | Published on 13th September 2017, 10:11 PM | ملکی خبریں |

نئی دہلی،13؍ستمبر(ایس او نیوز؍آئی این ایس انڈیا)کانگریس کی اسٹونٹ ونگ(این ایس یوآئی)نے دہلی یونیورسٹی اسٹوڈنٹ یونین (ڈوسو)کے انتخابات میں آج شاندارواپسی کرتے ہوئے صدرکے عہدے سمیت چار اہم عہدوں میں سے دو پر قبضہ جمایا۔جے این یومیں زورداردھکے کھانے کے بعداب دہلی یونیورسیٹی میں بی جے پی کوزبردست ہزیمت اٹھانی پڑی ہے ۔ڈوسومیں مضبوط بنیاد والی بی جے پی کی اسٹوڈنٹ یونٹ اکھل بھارتیہ ودیارتھی پریشد (اے بی وی پی)نے سیکرٹری اور جوائنٹ سکریٹری کی سیٹیں جیتیں۔این ایس یو آئی کے راکی تسید نے1590ووٹوں کے فرق سے صدر کے عہدے پر فتح حاصل کی جبکہ پارٹی کے نائب صدر عہدے پر کنال سہراوت نے اے بی وی پی امیدوار کو 175ووٹوں سے شکست دی۔اے بی وی پی کی مہامیدھا ناگر نے سیکرٹری کے عہدے پر این ایس یو آئی کی میناکشی مینا کو2624ووٹوں کے فرق سے شکست دی جبکہ پارٹی کی جوائنٹ سکریٹری کے عہدے کے امیدوار اما شنکر نے این ایس یو آئی کے اویناش یادوکو342ووٹوں سے شکست دی۔دودو انتخابات کل میں، مجموعی طور پر 43فیصد ووٹ ووٹ دیا گیا تھا۔گزشتہ سال اے بی وی پی نے تین خطوط پر جیت درج کی تھی جبکہ این ایس یو آئی نے مشترکہ سیکرٹری عہدہ جیتا تھا۔

ایک نظر اس پر بھی

داؤد کی اہلیہ کو ہندوستان سے واپس جانے کے متعلق جواب دیں مودی: کانگریس

کانگریس کا کہنا ہے کہ انڈرورلڈ ڈان داؤد ابراہیم کی بیوی کا چپ چاپ ہندوستان آنا اور پاکستان لوٹنا ملک کی سلامتی کا سنگین معاملہ ہے اس لئے وزیر اعظم نریندر مودی اور وزیر داخلہ راج ناتھ سنگھ کو اس پر جواب دینا چاہئے۔

ہمارے ملک میں سائنسداں ، ڈاکٹرس اور پڑوسی ملک میں دہشت گرد تیار ہوتے ہیں : اقوام متحدہ اسمبلی میں سشما سوراج کا خطاب

دہشت گردی کو انسانیت کے لیے ’ موجودہ خطرہ ‘ قرار دیتے ہوئے ہندوستان نے یہ جاننا چاہا کہ اگر اقوام متحدہ سلامتی کونسل دہشت گردوں کی فہرست پر اتفاق نہ کرسکے تو پھر بین الاقوامی برادری اس لعنت کا مقابلہ کس طرح کرے گی ۔