بھارت بند کا کرناٹکا میں زبردست اثر؛ ہبلی میں وزیراعظم کا پتلا نذرآتش؛ مینگلورمیں بسوں پر پتھرائو؛ بھٹکل میں کاروباری ادارے بند؛کاروار میں دکانیں زبردستی بند کرانے کا الزام

Source: S.O. News Service | By I.G. Bhatkali | Published on 10th September 2018, 11:14 AM | ساحلی خبریں | ریاستی خبریں |

بھٹکل 10/ستمبر (ایس او نیوز) پٹرول اور ڈیزل کی قیمتوں میں ہورہے بھاری اضافہ کے خلاف کانگریس کی طرف سے دی گئی بھارت بند کی آواز پر پورے ملک میں  بند کا اثر نظر آرہا ہے، ایسے میں ریاست کرناٹک میں بھی بھارت بند کا زبردست اثر نظر آرہا ہے۔ جگہ جگہ سے احتجاج کی خبریں موصول ہورہی ہیں اوراقتدار پر سے  مودی کو ہٹائو اور بی جے پی سے ملک کو بچائو جیسے نعرے سننے میں آرہے ہیں۔

ہبلی سے موصولہ اطلاع کے مطابق  یہاں جے ڈی ایس کارکنوں نے ایک طرف  وزیراعظم نریندر مودی کا پتلہ نذر آتش کرتے ہوئے اپنی ناراضگی ظاہر کی ہے، وہیں کچھ جگہوں پر سڑکوں پر ٹائر جلا کر بھی بھارت بند منائے جانے کی خبر ملی ہے۔ ہبلی سے ساحل آن لائن کے نمائندے نے خبر دی ہے کہ یہاں  کانگریس کارکنوں نے بھی احتجاج  درج کرتے ہوئے راستوں پر اُترآئے اور وزیراعظم نریندر مودی کے خلاف نعرے بازی کی۔ کارکنوں نے تیل کی بڑھتی مہنگائی پر قابو پانے کا مطالبہ کرتے ہوئے پٹرول اور دیزل کی  قیمتوں کو کم کرنے کی مانگ کی۔ نمائندے کے مطابق جنتادل (ایس) کے کارکنوں نے  ہبلی کے چنمّا سرکل پر جمع ہوکر مودی کے خلاف نعرے بازی کی۔

ایسے میں ایک کنڑا نیوز چینل کی خبر پر بھروسہ کریں تو ایک کھلے ہوئے  ہوٹل میں گھس کر کچھ کارکنوں کی جانب سے توڑ پھوڑ بھی مچائی گئی ہے۔

اُدھر مینگلور سے ساحل آن لائن کے نمائندے نے خبر دی ہے کہ  قریبی علاقہ بی سی روڈ اور بنٹوال میں دو سرکاری بسوں پر پتھرائو کیا گیا ہے، جس سے بسوں کے گلاس چکنا چور ہوگئے ہیں۔ اسی طرح  کلڈکا، بی سی روڈ اور مانی نامی مقاموں  پر لوگوں نے ٹائر جلا کر روڈ کو بلاک کرنے کی کوشش کی ، مگر پولس نے فوری کاروائی کرتے ہوئے ٹائروں کو ہٹادیا اور ٹریفک نظام کو متاثر ہونے سے روک دیا۔

ایسے میں مینگلور میں کچھ مقامات پر مبینہ کانگریسی کارکنوں کی جانب سے زبردستی دکانیں بند کرنے کے بھی معاملات سامنے آئے ہیں۔ مینگلور جیوتی سرکل پر دکانوں کو زبردستی بند کرنے کی کوشش کے دوران جب پولس نے مداخلت کرنے کی کوشش کی تو پولس اہلکار پر بھی حملہ کرنے کی کوشش کئے جانے کی خبر ملی ہے۔ مینگلور کے جیوتی سرکل پر سواریوں کو بھی زبردستی روکنے کی کوشش کئے جانے کی  خبر ہے، جبکہ شہر میں اکثر مقامات پر کاروباری ادارے مکمل طور پر بند ہیں۔

اِدھر بھٹکل میں صبح سےتقریباً  سبھی کاروباری ادارے بند ہیں، البتہ شمس الدین سرکل اور ہائی وے پر کچھ دکانیں اور ہوٹل کھلے نظر آئے۔  بھٹکل میں آٹو رکشہ سروس جاری ہے، البتہ آٹو پر سفر کرنے والے نظر نہیں آرہے ہیں۔ البتہ ٹیکسی سروس، سرکاری بس اور پرائیویٹ بس سروس مکمل   بند ہیں۔

کاروار سے نمائندہ ساحل آن لائن نے خبر دی ہے کہ پٹرول اور ڈیزل کی قیمتوں میں اضافے کے خلاف آج منعقدہ بھارت بند کے موقع پر کاروار میں مکمل بند منایا جارہا ہے، خبر ملی ہے کہ  شہر کے اِلکل روڈ پر کچھ دکانیں کھلی تھیں، مگر  مبینہ کانگریسی کارکنوں نے اُن دکانوں کو  بھی بردستی بندکرایا  ہے۔

ضلع اُترکنڑا کے انکولہ سے ملی اطلاع کے  مطابق   ایک مٹھائی کی دکان کو کھلی دیکھ کر مبینہ کانگریسی کارکن دکان میں گھس گئے  اور بند کی آواز دئے جانے کے باوجود دکان کھلی رکھنے پر سخت ناراضگی ظاہر کرتے ہوئے  مٹھائیوں کو راستوں پر پھینکنا شروع کردیا۔ واردات انکولہ تعلقہ کے امبار کوڈلو میں پیش آئی ہے۔ خبر کے مطابق بعد میں پولس نے حالات پر قابو پالیا ہے۔

بھارت بند کے موقع پر کچھ جگہوں پر زبردستی دکانوں کو بند کئے جانے اور بعض جگہوں پر سواریوں  پر پتھرائو  کی وارداتوں کے  درمیان ریاست کے دیگر علاقوں میں حالات پرامن بتائے گئے ہیں۔ ایسے میں مینگلور میں بند کے دوران پولس کا زبردست انتظام کیا گیا ہے  اور جگہ جگہ پولس تعینات کی گئی ہے۔

خیال رہے کہ حفاظتی  اقدامات کے طور پر تقریبا ریاست کے تمام اسکولوں اور کالجوں میں چھٹی ڈکلیر کی گئی ہے۔

مزید آپڈیٹس کے لئے ساحل آن لائن دیکھتے رہئے۔

 

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔