ایم سی ڈی انتخابات:کانگریس نے اسکریننگ کمیٹی تشکیل دی
نئی دہلی،29؍مارچ(ایس او نیوز؍آئی این ایس انڈیا)کانگریس نے دہلی میونسپل کارپوریشن (ایم سی ڈ ی)انتخابات میں امیدواروں کی جانچ کے لیے اسکریننگ کمیٹی کا قیام کیا ہے۔ذرائع کے مطابق اس کمیٹی کا صدر کانگریس کے جنرل سکریٹری آنند شرما کو بنایا گیا ہے، وہیں پارٹی کے چیف ترجمان رندیپ سرجیوالا اور منیکا ٹیگورا س کمیٹی کے رکن رہیں گے۔کانگریس نے ایم سی ڈ ی انتخابات کے لیے اب تک اپنے امیدواروں کے ناموں کا اعلان نہیں کیا ہے، حالانکہ 23؍اپریل کو ہونے والے انتخابات کے لیے پرچہ نامزدگی کا عمل دو دن پہلے ہی شروع ہو گیا ہے ۔پارٹی میں اس کے لیے مسلسل غوروخوض کا دور جاری ہے۔وہیں ٹکٹوں کے اعلان سے پہلے ہی پارٹی میں ٹکٹ کے لیے گھمسان شروع ہو گیا ہے۔یوتھ کانگریس، خاتون کانگریس دونوں کانگریس نائب صدر راہل گاندھی کی رہائش گاہ کے باہر مظاہرے کرکے مطالبہ کر چکے ہیں کہ پارٹی میں کارکنوں کو نظر انداز کیا جارہا ہے اور کنبہ پروری کو فروغ دیا جا رہا ہے۔پارٹی نے اب اس ناراضگی کو دور کرنے کے لیے سینئر لیڈروں پر مشتمل اسکریننگ کمیٹی قائم کی ہے۔