بھتے کے نام پر بے روزگاروں سے ٹھگی: راجندر راٹھور، دسمبر 2018 میں سی ایم آئی آئی کے سروے کے مطابق راجستھان کا ہرچھٹا شخص بے روزگار ہے
جے پور ،2 ؍فروری (ایس او نیوز؍آئی این ایس انڈیا) بی جے پی کے سینئر لیڈر راجندر راٹھور نے ہفتہ کو الزام لگایا کہ ریاستی حکومت نے حال ہی میں اعلان بے روزگاری بھتے کے نام پر نوجوانوں کو ٹھگا ہے۔
راٹھور نے کہاکہ وعدہ کیا تھا کہ راجستھان کے تعلیم بے روزگاروں کو 3500 روپے بھتہ دیں گے۔دسمبر 2018 میں سی ایم آئی آئی کا جو سروے آیا اس کے مطابق راجستھان میں ہر چھٹا شخص بے روزگار ہے۔اس کی بنیاد پر راجستھان میں بارہویں پاس نوجوانوں کی تعداد 33 لاکھ ہے۔اگر ان تمام 33 لاکھ نوجوانوں کو حکومت 3500 روپے ماہانہ دے تو ریاستی حکومت پر 1166 کروڑ روپے کا بوجھ آئے گا۔راٹھور کے مطابق ریاستی حکومت نے اپنے اعلان میں اتنے ’اگر،مگر،لیکن‘لگائے ہیں کہ اب صرف 24 کروڑ روپے یعنی دو کروڑ روپے فی مہینہ کا بوجھ حکومت پر پڑے گا۔
انہوں نے کہاکہ راجستھان کی حکومت نے ایک طرح سے بے روزگاروں کو ٹھگنے کا کام کیا ہے۔'اس کے ساتھ ہی انہوں نے ریاست میں سوائن فلو سے ہو رہی اموات اور کڑاکے کی سردی میں بھی آب پاشی کے لئے رات میں ہی بجلی کی فراہمی کئے جانے کا بھی مسئلہ اٹھایاہے۔