بھٹکل،10؍اگست (ایس او نیوز؍موصولہ رپورٹ) مورخہ 2 اگست 2018  بروز بدھ بعد ظہر شہر  بھٹکل کی مشہور و معروف ادبی  شخصیت تعلیمی سماجی و ثقافتی اداروں کے  بےلوث خاموش خدمت گزار  محترم مکرم عبداللہ دامودی صاحب  78 سال کی عمر میں انتقال کر گئے۔  إنا لله وإنا إليه راجعون۔ موت سے کسی کو  مفر نہیں تقدیری فیصلہ کے تحت ہر ایک کو  اللہ تعالی کے حضور حاضری لازمی ہے لیکن بعض اشخاص کا معاشرہ و سوسائٹی سے یکلخت اٹھ  جانا  ھمیشہ کے لئے رخصت ھوجانا قومی و ملی امور کی انجام دہی میں بڑا خلل واقع ھوتاہے انہی نیک  لوگوں میں محترم و مکرم عبداللہ دامودی صاحب کا شمار ہوتا ہے ۔آپ کے رحلت پر جہاں بھٹکل کے تعلیمی سماجی ثقافتی ادارے محروم ھوئے اس محرومی کا احساس کینرا مسلم خلیج کونسل کے عہدے داران و ممبر جماعتوں کو ہے  کیونکہ یہ دور قحط الرجال کا دور ہے مخلصانہ خدمات کو انجام دینے کا فن ہر ایک کے بس کی بات نہیں لیکن  محترم عبداللہ صاحب دامودی  ان بےلوث خدمت گزار اشخاص میں سے ایک تھے جن کی ملنساری، نرم مزاجی، حسن نظامت ،میٹہے بول ،دین بیداری کو قومی ادارے قرب و جوار کے افراد وقفہ وقفہ سے یاد کرتے رہیں گے۔

سچی بات یہ ہے کہ مرحوم اپنی ذات میں ایک انجمن تھے موصوف گوناگو صفات کے حامل تھے منجملہ صفات  میں ایک اہم وصف آپ نے اپنی ذات کو ھمیشہ اجتماعی کاموں اجتماعی اداروں سے مربوط رکھا ۔انفرادیت کو اجتماعیت پر ترجیح دی اور اداروں کی طرف مفوضہ ذمے داریوں کو  بحسن خوبی انجام دینے کا ہنر  جانتے تھے  لہذا آپ جہاں بغرض معاش مقیم ہوئےوہاں پر (ھند بیرون ھندبمبئی جدہ   ینبع ) میں جماعتی نظام کو مستحکم کرنے میں بنیادی کردار انجام دیا ہے اسی طرح بھٹکل مسلم خلیج کونسل کی ممبر جماعتوں میں خصوصی روابط سے انکار ممکن نہیں۔اس اہم قومی یکجہتی کیلئے فکر مند رہنے والی شخصیت کے انتقال پرملال پر   کینرا مسلم خلیج کونسل شہر  بھٹکل کے تعلیمی سماجی ثقافتی  اداروں (انجمن حامی مسلمین، جامعہ اسلامیہ، مادر حوا اسلامک اسکول، شمس انگلش ھائی اسکول ۔مجلس اصلاح و تنظیم و ان کے پسماندگان  کے ساتھ گہرے رنج و غم کا اظہار کرتے ہوئے تعزیتی قرارداد   کے ذریعہ مرحوم کی خدمات کو خراج عقیدت پیش کرتے ھوئے مرحوم کی مغفرت کے لئے دعا گو ہے

اللهم اغفر له وارحمه و ارفع درجته في العليين وأسكنه فسيح جناته. شریک غم صدر  عبدالقادر باشہ رکن الدین و سکریٹری  ابومحمد مختصر