یومِ آزادی کے موقع پر بھٹکل تنظیم میں ہوگا حب الوطنی پر نغمہ سرائی کا مقابلہ؛ اُردو اسکولوں کے طلباء فوری نام درج کروائیں

Source: S.O. News Service | By I.G. Bhatkali | Published on 11th August 2018, 9:53 PM | ساحلی خبریں | ان خبروں کو پڑھنا مت بھولئے |

بھٹکل 11/اگست (ایس او نیوز) یوم آزادی کی مناسبت سے مورخہ 15 اگست کو قومی سماجی ادارہ مجلس اصلاح و تنظیم بھٹکل کے زیراہتمام حب الوطنی پر نغمہ سرائی کا شاندار مقابلہ منعقد کیا گیا ہے جس میں بھٹکل تعلقہ کے اُردو اسکولوں کے طلبا شریک ہوکر اپنے فن کا مظاہرہ کرسکتے ہیں۔

اخبارنویسوں سے گفتگو کرتے ہوئے تنظیم کی تعلیمی و ثقافتی کمیٹی کے کنوینر جناب ایس ایم عبدالعظیم(امباری) نے بتایا کہ  بھٹکل تعلقہ کے جملہ 11اُردو اسکولوں کو لیٹرس روانہ کئے گئے ہیں اور بچوں کو اس مقابلے میں شریک ہونے کی درخواست کی گئی ہے۔ کئی اسکولوں سے بچوں کے نام رجسٹرڈ کرائے گئے ہیں اور ناموں کو درج کرنے کا سلسلہ جاری ہے۔ انہوں نے بتایا کہ بھٹکل تعلقہ کے عصری و دینی مدراس کے 16 سال تک کی عمر کے طلبا اس مقابلے میں شریک ہوسکتے ہیں۔

انہوں نے مزید بتایا کہ طلبا اُردو کے ساتھ ساتھ نوائطی زبان میں بھی حب الوطنی پر ترانہ اورگیت پڑھ کر سنا سکتے ہیں۔ انہوں نے کہا کہ دلچسپی لینے والے طلبا فوری اپنا نام  اور تفصیلات تنظیم دفتر میں درج کرواسکتے ہیں یا پھر اُن سے موبائل نمبر 9448629398 پررابطہ کرسکتے ہیں۔

اول ، دوم اور سوم آنے والوں کو انعامات سے نوازا جائے گا، نیز حصہ لینے والے سبھی طلبا کو سرٹی فیکٹ سے نوازا جائے گا۔

پروگرام تنظیم ہال میں 15/اگست کو رات ٹھیک نو بجے شروع ہوگا۔جامعہ اسلامیہ بھٹکل کے پرنسپل مولانا مقبول کوبٹے ندوی اور انجمن کالج کے ریٹائرڈ پرنسپل کے سی نذیراحمد مہمان خصوصی کے طور پر تشریف فرما ہوں گے۔

جناب عبدالعظیم صاحب نے تمام لوگوں سے درخواست کی ہے کہ وہ اس موقع پر کثیر تعداد میں شریک ہوکر بچوں کی ہمت آفزائی فرمائیں اور پروگرام کو کامیاب بنائیں۔

ایک نظر اس پر بھی

بھٹکل میونسپل پارک کی تجدیدکاری میں بدعنوانی کا الزام۔ ڈپٹی کمشنر کے نام میمورنڈم

بھٹکل بلدیہ کے حدود میں بندر روڈ پر واقع سردار ولبھ بھائی پٹیل پارک کی تجدید کاری میں بدعنوانی کا الزام لگاتے ہوئے  آسارکیری کے عوام  نے بلدیہ انجینئر کو پارک میں طلب کرکے ڈپٹی کمشنر کے نام میمورنڈم دیا جس میں مطالبہ کیا گیا ہے کہ یہاں ہورہی بدعنوانی کی تحقیقات کروائی جائے۔

کاروار کے ہوم گارڈس دفتر اورکیگا شہری تحفظ مرکز میں یوم ِآزادی کی خصوصی تقریب

شہر میں ہوم گارڈس دفتر میں 72واں یوم ِ آزادی کا جشن پرچم کشائی کے ساتھ منایاگیا ۔ ضلعی آفیسر دیپک گوکرن  نے جھنڈا لہرانے کے بعد خطاب کرتے ہوئے کہاکہ ہمیں یہ آزادی کئی ایک مہان ہستیوں کی قربانی کے بعد ملی ہے۔ یہ ملک تکثریت میں وحدت پیش کرنے والا ایک انوکھا ملک ہے۔انہوں نے کہاکہ ...

کاروار : ضلع پنچایت اورمیڈیکل کالج میں یوم ِ آزادی کا جشن :ایمانداری سے اپنے فرائض کو انجام دینا  سچی دیش بھگتی  

اترکنڑا ضلع کے مرکزی مقام کاروار میں اترکنڑا ضلع پنچایت اور میڈیکل سائنس سنٹر میں  جوش و خروش کے ساتھ یوم آزادی کا جشن منایا ۔ جس کی مختصر تفصیل ذیل میں دی جارہی ہے۔ ...

بھٹکل میں یوم آزادی کا جشن پورے جوش وخروش کے ساتھ منایا گیا؛ تعلقہ انتظامیہ کی جانب سے اسسٹنٹ کمشنر نے لہرایا جھنڈا

ہر سال کی طرح امسال بھی بھٹکل میں پورے جوش و خروش کے ساتھ  یوم آزادی کی تقریب منائی گئی اور تعلقہ انتظامیہ سمیت مختلف سرکاری اور غیر سرکاری اداروں سمیت تعلیمی اداروں میں بھی  ترنگا جھنڈا لہرایا گیا۔

کورگ میں بارش کی بھاری تباہی ، تین اموات،زمین کھسکنے کے متعدد واقعات 

جنوبی ہند کا کشمیر کہلانے والے ریاست کے کورگ ضلع میں بارش نے زبردست تباہی مچادی ہے۔ ایک طرف بارش کا سلسلہ رکنے کا نام نہیں لے رہا ہے تو دوسری طرف پڑوسی ریاست کیرلا میں طوفانی بارش کے سبب وہاں کی ندیوں کا پانی بھی کرناٹک کی طرف بہادیا گیا ہے،

مہادائی ٹریبونل کے فیصلے کا چیلنج کرنے ریاستی حکومت تیار

ریاستی وزیر برائے آبی وسائل ڈی کے شیوکمار نے کہاکہ شمالی کرناٹک کے بعض اضلاع کو پینے کے پانی کی فراہمی کا واحد ذریعہ مہادائی کے پانی کی تقسیم کے سلسلے میں حال ہی میں ٹریبونل نے جو فیصلہ صادر کیا ہے ریاستی حکومت اس کا سپریم کورٹ میں چیلنج کرے گی۔

بھٹکل میونسپل پارک کی تجدیدکاری میں بدعنوانی کا الزام۔ ڈپٹی کمشنر کے نام میمورنڈم

بھٹکل بلدیہ کے حدود میں بندر روڈ پر واقع سردار ولبھ بھائی پٹیل پارک کی تجدید کاری میں بدعنوانی کا الزام لگاتے ہوئے  آسارکیری کے عوام  نے بلدیہ انجینئر کو پارک میں طلب کرکے ڈپٹی کمشنر کے نام میمورنڈم دیا جس میں مطالبہ کیا گیا ہے کہ یہاں ہورہی بدعنوانی کی تحقیقات کروائی جائے۔