بھٹکل خلیفہ جامع مسجد میں 27 جولائی کو ہوگا بھٹکل کے جملہ شبینہ مکاتب کے طلباء کے مایبن مسابقہ

Source: S.O. News Service | By I.G. Bhatkali | Published on 25th July 2018, 8:38 PM | ساحلی خبریں | ان خبروں کو پڑھنا مت بھولئے |

بھٹکل 25/جولائی (ایس او نیوز) مورخہ 27/جولائی بروز جمعہ خلیفہ جامع مسجد میں بھٹکل کے جملہ شبینہ مکاتب کے  طلباء کے مابین حفظ، ناظرہ قرآن, احادیث مبارکہ و ادعیہ مسنونہ کا مسابقہ  رکھا گیا ہے جس میں بهٹكل كي بهت ساري مساجد سے  شبینہ مکاتب کے طلباء حصہ لے رہے ہیں۔پروگرام مرکزی خلیفہ جماعت المسلمین  بھٹکل کے شعبہ تعلیم وثقافت کی جانب سے منعقد کیا گیا ہے۔ان تمام باتوں کی اطلاع شعبہ کے سرگرم رکن مولوی یاسین  نائطے ندوی نے دی۔ اخبار نویسوں سے گفتگو کرتے ہوئے  انہوں نے بتایا کہ  مسابقہ کے لیے تین گروپ بنائے گئے ہیں ، جس میں حفظ، ناظرہ،  اور دعائیں و احادیث کے الگ الگ مسابقے ہوں گے۔ہر مسجد سے تين گروپ ميں ايك ايك ممتاز طالب علم كو شريك كيا گيا تها، مزید بتایا کہ حصہ لینے والے قریب 75 طلباء میں سے گذشتہ جمعہ انتخابی نشست کے بعد ہر گروپ سے تقریبا 13  13 طلباء کو منتخب کیا گیا ، جمعہ کے دن جملہ تین گروپوں میں  41 طلباء کا مسابقہ ہوگا۔

پروگرام کے نائب کنوینر  نے بتایا کہ جمعہ کو مسابقہ  دو نشستوں پر مشتمل ہوگا۔پہلی نشست بعد نماز عصر شروع ہوگی جو مغرب کی اذان تک چلے گی۔ دوسری نشست بعد نماز عشاء شروع ہوگی۔

جامعہ اسلامیہ بھٹکل کے مہتمم مولانا مقبول احمد کوبٹے ندوی مہمان خصوصی کے طور پر تشریف فرما ہوں گے، جبکہ مرکزی خلیفہ جماعت المسلمین  بھٹکل کے چیف قاضی مولانا خواجہ معین الدین اکرمی ندوی مدنی پروگرام کی صدارت کریں گے۔

پروگرام میں مدرسہ تعلیم القران کے طلباء مشہور و معروف  قراء کے لہجے میں مظاہرہ قرات  کے ذریعہ روح پرور منظر بھی پیش کریں گے، ساتھ ہی ساتھ علماء کرام کے ایمان افروز خطابات بھی ہوں گے۔

مرکزی خلیفہ جماعت المسلمین بھٹکل کی جانب سے عوام الناس سے پروگرام میں کثیر تعداد میں شریک ہوکر طلباء کی ہمت افزائی کرنے کی درخواست کی گئی ہے۔

ایک نظر اس پر بھی

کاروار میں 22اور23دسمبر کومنعقد ہوگا روزگار میلہ

کاروار رکن اسمبلی روپالی ایس نائک کی قیادت میں 22اور23دسمبر کو ایک زبردست روزگار میلہ منعقد کیا جائے گا، جس میں ملک کے مختلف علاقوں سے 106کمپنیوں کے نمائندے حصہ لیں گے۔توقع کی جارہی ہے کہ تقریباً5300بے روزگار نوجوان اس میلے سے فائدہ اٹھائیں گے ۔

بھٹکل میں اسٹریٹ لائٹ کی بیٹریاں چوری کرنے والوں کی پولس کررہی ہے تلاش؛ سی سی ٹی وی کیمرہ میں چوری کی واردات ہوگئی قید

بھٹکل کے مختلف علاقوں میں گذشتہ کئی دنوں سے  اسٹریٹ کے کھمبوں پر لگی سولار لائٹ کی بیٹریاں چوری ہونے کی وارداتیں پیش آرہی تھی، بینگرے اور شرالی علاقوں میں چوریوں کی زائد وارداتیں ریکارڈ کی گئی تھی جبکہ اُترکوپا ودیگر علاقوں میں بھی بیٹریاں چوری ہونے کی شکایتیں ملی تھی، اس ...

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔