صفائی کی سہولیات بہتر بنانے کے لئے مصروف عمل ہوں: مودی
نئی دہلی ، 19؍ نومبر (ایس او نیوز؍ آئی این ایس انڈیا ) وزیر اعظم نریندر مودی نے ملک بھر میں صحت و صفائی کی سہولیات بہتر بنانے کے لئے آج اپنی حکومت کے عزم کا اظہار کیا اور ان تمام لوگوں کی تعریف کی جو بیت الخلاء کی تعمیر میں مصروف ہیں ۔ اقوام متحدہ نے دنیا بھر میں صحت و صفائی کے بحران کے بارے میں بیدار ی لانے کے لئے آج کے دن کو سرکاری طور پر عالمی ٹوائلٹ دن قرار دیا ہے۔مودی نے کئی ٹویٹ کرتے ہوئے کہا کہ ورلڈ ٹوائلٹ ڈے پر ہم ملک بھر میں صحت و صفائی کی سہولیات کو بہتر بنانے کے تعلق سے اپنے عزام کا پھر سے اعادہ کرتے ہیں ۔ انہوں نے کہا کہ میں بھارت کے مختلف حصوں میں مزید ٹوائلٹ بنانے کا کام کر رہے افراد اور تنظیموں کی تعریف کرتا ہوں۔ یہ انمول جصہ داری ’’ سوچھ بھارت‘‘ مہم کو پختہ رفتار دیتا ہے۔اس سے قبل سرکاری طور پر اعلان کئے جانے والے ’’ سوچھ بھارت ‘‘ مشن کے تحت حکومتی خزانہ سے خطیر رقم اس مشن کے لئے مختص کی گئی ہے جس کے تحت تمام ریاستوں میں اپنے اپنے طور پر اس مشن پر عمل کیا جا رہے ۔