مینگلور 4؍جون (ایس اونیوز) یہاں سے قریب ۵۵ کلو میٹر دور موڈبیدری میں مہاویر کالج کے قریب دو موٹر بائکس کے درمیان سیدھی ٹکر کے نتیجے میں ایک شخص کی موت واقع ہوگئی۔جس کی شناخت پرشانت فرنانڈیز کی حیثیت سے کی گئی ہے۔

بتایا گیا ہے کہ  پرشانت اپنی موٹر بائک پر موڈبیدری کی طر ف جارہا تھا جب مہاویر کالج کے پاس ایک تیز رفتار بائک نے اچانک ٹرن لے لیا۔ پرشانت اپنے بائک پر قابو نہیں رکھ  سکا اور دونوں بائکس آپس میں ٹکراگئیں۔تصادم کی وجہ سے پرشانت اچھل کرسڑک پر گرگیاجس سے اس کے سر پر شدید چوٹ آئی ۔ حالانکہ اسے علاج کے لئے فوراً اسپتال لے جایا گیا مگر ڈاکٹروں نے اس کی موت کی تصدیق کردی۔موڈبیدری پولیس نے موقعہ واردات پر پہنچ کر جائزہ لیا اور کیس درج کرلیا ہے۔