جونیئر اور سینئر ہاکی میں یکسانیت چاہتے ہیں کوچ
لکھنؤ،10دسمبر(ایس او نیوز /آئی این ایس انڈیا)جونیئر ہاکی ورلڈ کپ کے میچ دو ہاف فارمیٹ میں کرانے کے بین الاقوامی ہاکی فیڈریشن کے فیصلے سے زیادہ تر کوچ خفا ہیں جن کا ماننا ہے کہ جونیئر کھلاڑیوں کی ترقی کیلئے سینئر اور جونیئر سطح پر فارمیٹ میں یکسانیت ہونی چاہیے۔بین الاقوامی ہاکی ٹورنامنٹ اب 15.15منٹ کے چار کوارٹر میں کھیلے جاتے ہیں،زیادہ تر کوچز کا خیال ہے کہ کھلاڑی کے جونیئر سے سینئر سطح میں تبدیلی کیلئے یکسانیت ضروری ہے۔ہندوستان کے چیف کوچ ہریندر سنگھ نے کہا کہ اگر آپ میری ذاتی رائے پوچھیں تو میں 15.15منٹ کے کوارٹر فارمیٹ کے حق میں ہوں کیونکہ میرا خیال ہے کہ جونیئر اور سینئر سطح پر یکسانیت رہنی چاہیے،یہ جونیئر کھلاڑی سینئر سطح پر کھیلیں گے اور یہ تبدیلی ان کے لئے آسان ہونا چاہیے۔جرمنی کے کوچ والیٹن الٹینبرگ نے کہاکہ دونوں فارمیٹس کے فوائد اور نقصانات ہیں لیکن میرا خیال ہے کہ تسلسل ہونا چاہیے،میں ایف آئی ایچ سے کہوں گا کہ اس میں تسلسل ہونا چاہیے تاکہ نوجوان کھلاڑیوں کو جونیئر سے سینئر سطح پر جانے میں آسانی ہو۔انگلینڈ کے کوچ جان بلیبی نے کہاکہ مجھے چار کوارٹر والا فارمیٹ پسند ہے کیونکہ یہ تیز رفتار اور دلچسپ ہے،مختلف فارمیٹ اپنانا کھیل کے لئے اچھا نہیں ہے۔