بھٹکل میں صبح سے زوردار بارش اور وزیراعلیٰ سدرامیا کادورہ بھٹکل؛ اسٹیج کے قریب کیچڑ جمع ہوجانے سے منتظمین پریشان؛ ڈی سی اور ایس پی نے لیا جائزہ

Source: S.O. News Service | By I.G. Bhatkali | Published on 6th December 2017, 9:48 AM | ساحلی خبریں | ان خبروں کو پڑھنا مت بھولئے |

بھٹکل 6/ڈسمبر (ایس او نیوز) بھٹکل میں رات کو ہلکی ہلکی بارش شروع ہوجانے کے بعد صبح  اچانک زوردار بارش شروع ہوگئی اور کئی گھنٹوں تک مسلسل ہونے والی بارش سے بھٹکل ساگر روڈ پر منعقدہ وزیراعلیٰ سدرامیا کے پروگرام پر منتظمین سخت پریشانی میں مبتلا ہوگئے۔ بارش سے اسٹیج کے نیچے اور عوام کے بیٹھنے والی جگہوں پر جابجا پانی جمع ہوجانے سے جگہ  جگہ کیچڑ نظر آرہی ہے۔

ضلع کے ڈپٹی کمشنر ایس ایس نکھول اور ایس پی  ونائک پاٹل سمیت پوری ضلعی انتظامیہ صبح کو ہی پولس پریڈمیدان میں پہنچ کر جائے وقوع کا جائزہ لیا ہے۔ ایسے میں پولس کی جانب سے پورے علاقے کو سخت سیکوریٹی فراہم کردی گئی ہے۔  صبح صبح رکن اسمبلی منکال وئیدیا نے بھی کانگریسی اراکین کے ساتھ جائے وقوع پر پہنچ کر جائزہ لیا ہے۔

صبح قریب 8:30 بجے بارش کا سلسلہ تھوڑا بہت تھم جانے کے بعد اب کیچڑ کو ہٹایا جارہا ہے اور بالخصوص اسٹیج والی جگہ کو صاف کیاجارہا ہے۔گیلی کرسیوں کو بھی صاف کرنے کا کام جاری ہے، پروگرام کو شاندار پیمانے پر منعقد کرنے ہرممکن کوشش کی جارہی ہے اور کسی بھی صورتحال سے نپٹنے کے لئے بھی انتظامیہ چوکس نظر آرہی ہے۔

بارش کا سلسلہ تھمنے کے بعد فی الحال ساگر روڈ پر پولس پریڈ میدان میں ہی پروگرام کو جاری رکھنے کا فیصلہ کیا گیا ہے۔ البتہ اس بات پر بھی غور کیا جارہا ہے کہ عین پروگرام کے دوران پھر بارش ہوئی تو کیا ہوگا، اس لئے  فوری طور پر بارش ہونے کی صورت میں پروگرام کو کسی بڑے ہال میں منتقل کرنے کے لئے متبادل انتظامات پر بھی غوروخوض کیا  گیا ہے۔

خیال رہے کہ وزیراعلیٰ سدرامیا آج صبح قریب گیارہ بجے بھٹکل پہنچ رہے ہیں، وہ ساگر روڈ پر پولس پریڈ میدان میں عوام الناس سے خطاب کرنے کے ساتھ ساتھ کئی ایک پروگراموں کا سنگ بنیاد رکھیں گے اور کئی ایک مکمل شدہ پروجکٹ کا افتتاح بھی کریں گے۔

 

ایک نظر اس پر بھی

بھٹکل انجمن پی یوکالج طلبا ٹیم کی کھیل  کے میدان میں شہنشائیت جاری : تیراکی میں 14 اور کراٹے میں 3گولڈ سمیت کئی تمغے انجمن کے نام

انجمن پی یوکالج بھٹکل کی کھلاڑیوں کی شاندار پرفارمنس جاری ہے۔ کبڈی اور فٹ بال میں ضلع سطح پر چمپئین بننے کے بعد باسکٹ بال میں رنر اپ کا خطاب جیتا تو اب ضلع لیول کے تیراکی (سوئمنگ )میں 14گولڈ ،09سلور اور 01برانج میڈل جیتا ہے تو کراٹے میں 3گولڈ اور 2سلور میڈل جیت کر کھیل کے میدان میں ...

بھٹکل انجمن پی یوکالج  فٹ بال ٹورنامنٹ میں چمپئین تو باسکٹ بال ٹورنامنٹ میں رنر اپ

تعلیمات عامہ اترکنڑا ضلع اور وائی ٹی ایس ایس کالج یلاپور کے اشتراک سے مالادیوی کھیل میدان کاروار میں منعقدہ ضلع لیول فٹ بال ٹورنامنٹ میں چمپئین شپ کاخطاب جیتاہے تو اسی طرح منڈگوڈ کے لویالا کالج میں منعقدہ ضلع سطح کے باسکٹ بال ٹورنامنٹ میں انر اپ کا خطاب جیت کر کالج اور شہر کا ...

موڈبیدری:پرشانت پجاری قتل کیس کے ملزم پرحملہ۔ زخمی خطرے سے باہر

ہندوتووادی کارکن اور پھولوں کے تاجر پرشانت پجاری کے قتل میں ملزم بنائے گئے امتیاز نامی شخص پر گنٹل کٹّے قریب صبح 5.30بجے موٹر بائک سواروں نے حملہ کردیا جس کی وجہ سے امتیاز کو زخمی حالت میں منگلورو کے ایک نجی اسپتال میں منتقل کیا گیا ہے۔ بعض ذرائع کا کہنا ہے کہ امتیاز پر جان لیوا ...

دہلی بن گیا حادثوں کا شہر؛ سڑک حادثوں میں جنوری سے اب تک998 لوگوں نے گنوائیں جان

راجدھانی میں رفتار کا قہر تھمنے کا نام نہیں لے رہا ہے۔ دہلی میں سڑک حادثوں میں روز بروز اضافہ ہوتا جارہا ہے۔ دہلی کی سڑکیں کتنی جان لیوا ثابت ہورہی ہیں، یہ ان اعدادوشمار کو دیکھنے کے بعد صاف پتہ چلتا ہے۔

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

روپے کی قدر میں گراوٹ:سستاحج کرانے کادعویٰ بھی فرضی؟ حجاج کرام پر بوجھ میں اضافہ ،مزید پیسے وصولے جاسکتے ہیں

سرکارایک طرف دعویٰ کررہی ہے کہ اس نے اس بارسستاحج کرایاہے ۔لیکن اب روپیے کی گراوٹ کی وجہ سے پھرحاجیوں سے وصولی کی جائے گی ۔عالمی بازار میں ڈالر کے مقابلے ہندوستانی کرنسی کی قدر میں ہورہی گراوٹ کی وجہ سے اب حجاج کرام پر مزید بوجھ پڑنے والاہے۔