چھ بوگیوں پر مشتمل میٹرو ٹرین خدمات کا کمار سوامی کے ہاتھوں آغاز

Source: S.O. News Service | By Shahid Mukhtesar | Published on 5th October 2018, 12:21 AM | ریاستی خبریں | ان خبروں کو پڑھنا مت بھولئے |

بنگلورو،4؍اکتوبر(ایس او نیوز) وزیر اعلیٰ کمار سوامی نے آج شہر کے کیمپے گوڈا میٹرو اسٹیشن میں بی ایم ٹی سی اور کے ایس آر ٹی سی بس اسٹانڈ کو جوڑنے والے راہگیر بالائی پل میٹرو اسٹیشن میں داخلے کے نئے راستے اور بیپنا ہلی اور میسور کے درمیان دوڑنے والی 6 بوگیوں پر مشتمل میٹرو ٹرین کی خدمات کا آغاز کیا۔ 1.4 کروڑ روپیوں کی لاگت پر 100میٹر کا راہگیر پل کے ایس آر ٹی سی اور بی ایم ٹی سی بس اسٹانڈوں کو جوڑنے کے لئے تعمیر کیا گیا ہے۔ اس پل کی مدد سے گاندھی نگر ، آنند راؤ سرکل اور آس پاس کے علاقوں سے آنے والے لوگ کے ایس آر ٹی سی اور بی ایم ٹی سی بس اسٹانڈوں کے درمیان آمد ورفت کرسکیں گے۔ اس پل کی مدد سے میٹرو اسٹیشن میں داخلہ بھی آسان ہوجائے گا۔ اس دوران وزیر اعلیٰ کمار سوامی نے چھ بوگیوں پر مشتمل میٹرو ٹرین کو بھی آج ہری جھنڈی دکھائی۔ بنگلور میٹرو ریل کارپوریشن نے 1463کروڑ روپیوں کی لاگت پر بوگیوں کی فراہمی کا ٹھیکہ دیا تھا، اور اس کے لئے رقم بھی جاری کردی گئی تھی، چھ بوگیاں فوری طور پر فراہم کردی گئی ہیں، آج چھ بوگیوں کی فراہمی کے بعد جون 2019تک باقی 144 بوگیوں کی فراہمی بھی کردی جائے گی۔ اس موقع پر کمار سوامی نے بنگلور انٹرنیشنل ایگزی بیشن سنٹر میں منعقد اسمارٹ ایشیاء کانفرنس میں شرکت کے لئے میجسٹک سے میٹرو میں ہی سفر کیا، ان کے ہمراہ نائب وزیر اعلیٰ ڈاکٹر جی پرمیشور اور دیگر اہم شخصیات موجود تھیں۔

ایک نظر اس پر بھی

کاروار: کائیگا پلانٹ توسیعی منصوبہ۔ عوامی احتجاج کے درمیان افسران نے منعقد کیا عوامی اجلاس

کائیگا جوہری توانائی اسٹیشن میں مزید دو یونٹس کا اضافہ کرنے کے منصوبے پر عوامی رائے جاننے کے لئے سرکاری افسران نے کائیگا ٹاؤن شپ میں اجلاس منعقد کیا جبکہ ٹاؤن شپ سے باہر موجودہ اور سابق اراکین اسمبلی کی قیادت میں سیکڑوں افراد نے توسیعی منصوبے کے خلاف احتجاجی مظاہرہ کیا۔

بنگلورومیٹرو برڈج میں خرابی کا نائب وزیراعلیٰ پرمیشور نے معائنہ کیا

شہر کے ایم جی روڈ پر ٹرینٹی سرکل کے قریب ایم جی روڈ بیپنا ہلی میٹرو روٹ کے پلر نمبر 155کے قریب ایک بیم میں دراڑ کا آج نائب وزیراعلیٰ ڈاکٹر جی پرمیشور نے معائنہ کیا اور کہاکہ اس سلسلے میں مرمت کا کام جاری ہے۔

زہریلے کھانے کا معاملہ، اعلیٰ سطحی جانچ کرانے سدارمیاکا مطالبہ

کرناٹک کے سابق وزیر اعلیٰ اور مخلوط حکومت کے کورابطہ کمیٹی کے صدر سدارمیا نے سُلوادی گاؤں کے مرمَّا مندر میں زہریلا کھانہ کھانے سے 11 عقیدتمندوں کی موت اور 80 افراد کے بیمار ہونے کے معاملے کی اعلیٰ سطحی جانچ کا مطالبہ کیا ہے ۔

بھٹکل انجمن کا طالب العلم میسور میں منعقدہ اسٹیٹ لیول پرتیبھا کارنجی مقابلے میں دوم

میسور میں منعقدہ ریاستی سطح کے پرتیبھا کارنجی اُردو تقریری مقابلہ میں بھٹکل انجمن ہائی اسکول کا طالب العلم  خبیب احمد اکرمی ابن مولانا خواجہ معین اکرمی مدنی دوسرا مقام حاصل کرنے میں کامیاب ہوگیا ہے۔

مینگلور: چار سالہ بچی کے ساتھ جنسی عمل۔عدالت نے دی ملزم کو دس سال قید بامشقت کی سزا

چار سالہ بچی کے ساتھ جنسی عمل کرنے والے ملزم چندرا شیکھر عرف راجیش (۴۹سال)کو سیکنڈ ایڈیشنل ڈسٹرکٹ اینڈ سیشنس اور پوکسو اسپیشل کورٹ نے دس سال قید بامشقت اور 10ہزار روپے جرمانے کی سزا سنائی ہے۔

بھٹکل کے ہیبلے میں ناراض عوام نے لیا رکن اسمبلی کو آڑے ہاتھ؛ احتجاج کے باوجود رکھا گیا دو اسکولوں اور دو کالجوں کا سنگ بنیاد

بھٹکل رکن اسمبلی سُنیل نائک کو آج اتوار کو ہیبلے کے لوگوں نے اُس وقت آڑے ہاتھ لیتے ہوئے احتجاج کیا جب وہ وہاں سرکاری ہاڈی زمین پر دو اسکولوں اور دو کالجوں کا سنگ بنیاد رکھنے کے لئے پہنچے تھے۔ 

بنگلورومیٹرو برڈج میں خرابی کا نائب وزیراعلیٰ پرمیشور نے معائنہ کیا

شہر کے ایم جی روڈ پر ٹرینٹی سرکل کے قریب ایم جی روڈ بیپنا ہلی میٹرو روٹ کے پلر نمبر 155کے قریب ایک بیم میں دراڑ کا آج نائب وزیراعلیٰ ڈاکٹر جی پرمیشور نے معائنہ کیا اور کہاکہ اس سلسلے میں مرمت کا کام جاری ہے۔