کمار سوامی صرف ہفتے کے روز عوام سے ملیں گے

Source: S.O. News Service | By Shahid Mukhtesar | Published on 27th August 2018, 11:54 PM | ریاستی خبریں |

بنگلورو،27؍اگست(ایس او نیوز) وزیر اعلیٰ ایچ ڈی کمار سوامی نے اعلان کیا ہے کہ ریاستی عوام کے مسائل کو سلجھانے کے لئے وہ روزانہ کی بجائے ہفتے میں ایک دن ہفتے کو صبح گیارہ بجے سے شام ساڑھے چار بجے تک اپنی ہوم آفس کرشنا میں جنتادرشن کریں گے۔

دفتر وزیر اعلیٰ کی طرف سے جاری بیان کے مطابق جنتادرشن کے دوران سرکاری ملازمین کے تبادلوں کی کوئی درخواست قبول نہیں کی جائے گی۔ طبی امداد کے لئے جو درخواستیں دی جائیں گی ان کے ساتھ مریض کا آدھار کار، بی پی ایل کارڈ ،اسپتال کے اصلی بل ، ڈسچارج سمری کو منسلک کیاجانا چاہئے۔ ان دستاویزوں کے بغیر ملنے والی کوئی بھی درخواست خاطر میں نہیں لائی جائے گی۔ وزیر اعلیٰ کی ہدایت پر جو بھی قدم اٹھایا جائے گا اس کی اطلاع ایس ایم ایس کے ذریعے دی جائے گی ۔

وزیر اعلیٰ کی جے پی نگر کی رہائش گاہ ، کرشنا یا ودھان سودھامیں عوام کی غیر متوقع آمد کی وجہ سے وزیر اعلیٰ کی مصروفیات متاثر ہورہی ہیں، اور اس وجہ سے وزیراعلیٰ طے شدہ پروگراموں میں بروقت حاضر نہیں ہوپارہے ہیں اسی لئے دفتر وزیر اعلیٰ کی طرف سے عوام سے درخواست کی گئی ہے کہ وہ نئے شیڈول کے مطابق جنتادرشن میں صرف ہفتے کو حصہ لیں۔

ایک نظر اس پر بھی

منگلورو:آر ایس ایس پرچارک تربیتی کیمپ میں امیت شاہ کی شرکت۔ سرخ دہشت گردی ، رام مندر، سبریملا اور انتخابات پر ہوئی خاص بات چیت

ملک کی مختلف ریاستوں میں اسمبلی انتخابات کی مصروفیت کے باوجود بی جے پی کے صدر امیت شاہ نے منگلورو میں آر ایس ایس ’ پرچارکوں‘ کے لئے منعقدہ 6 روزہ تربیتی کیمپ کے اختتام سے ایک دن پہلے ’سنگھ نکیتن‘ میں پہنچ نے کے لئے وقت نکالااور تربیتی کیمپ کے شرکاء سے خطاب کیا۔

مشاعروں کو با مقصد بنا کر نفرت کے ماحول کو پیار اور محبت میں بدلا جاسکتا ہے : سید شفیع اللہ

مشاعرے اردو زبان اور ادب کی تہذیب کے ساتھ ساتھ امن اور اتحاد کو فروغ دینے کا ذریعہ بھی ہیں۔ ملک اور سماج کے موجودہ حالات کو بہتر بنانے کیلئے زیادہ سے زیادہ مشاعروں کا انعقاد کیا جائے۔ بنگلورو میں بزم شاہین کے کل ہند مشاعرے میں ان خیالات کا اظہار کیا گیا۔

ٹیپوجینتی منسوخ کرنے کی کوئی تجویز نہیں ہے جواہر لال نہروکی جنم دن تقریب سے وزیراعلیٰ کااظہار خیال

کسانوں کی طرف سے حاصل کردہ زرعی قرضہ معاف کئے جانے کے سلسلہ میں شکوک وشبہات کا شکار نہ ہوں۔ قرضہ وصولی کیلئے کسانو ں کوغیر ضروری طور پر اذیت دی گئی تو بینک منیجرکو بھی گرفتار کیا جاسکتا ہے ۔