مرڈیشور ساحل پر ضلع پنچایت سی ای اؤ محمد روشن نے  کیا صفائی پروگرام  کا افتتاح

Source: S.O. News Service | By Abu Aisha | Published on 12th August 2018, 7:47 PM | ساحلی خبریں |

بھٹکل  :12/ اگست (ایس اؤ نیوز) ضلع پنچایت اترکنڑا، تعلقہ پنچایت بھٹکل ، گرام پنچایت ماولی -1اور ماولی -2کے اشتراک سے سوچھ سرویکشھنا گرامین 2018کے تحت سیاحتی مقام مرڈیشور میں بیچ صفائی پروگرام کا ضلع پنچایت کے ایگزکیٹیو آفیسر محمد روشن نے افتتاح کیا۔

اس موقع پر خطاب کرتے ہوئے سی ای اؤ روشن نے کہاکہ صفائی اور پاکیزگی ایک دن کا کام نہیں بلکہ وہ ہماری تہذیب میں شامل ہونی چاہئے۔ ہندو ستان میں صفائی کی طرف زیادہ توجہ دینا اچھی علامت ہے ، مرڈیشور ایک مشہور سیاحتی مقام ہے ، سیاحوں کی سہولت کے لئے سمندری ساحل کو پاک صاف رکھنا ہم سب کی ذمہ داری ہے۔ گرام پنچایت ، لائنس کلب کے ممبران آج کے صفائی پروگرام میں شریک ہیں مگر یہ کام یہیں پر رکنےنہ پائے ۔ مجھے کام کرنےکے لئے ایک بہتر مقام ملا ہے میں دوبارہ یہاں کے صفائی کام کو دیکھنےآنے کی بات کہی۔ بھٹکل اسسٹنٹ کمشنر ساجد ملا، تحصیلدار وی این باڈکر ، گرام پنچایت ماولی -1کی صدر منگلا ایشور نائک، تعلقہ پنچایت افسر سی ٹی نائک وغیرہ موجود تھے۔

گرام پنچایت عملہ ، بیچ تحفظاتی عملہ ، لائنس کلب ممبران سمیت 25سے زائد لوگ سی ایس محمد روشن کی قیادت میں صفائی کام کاج کو انجام دیا۔ اور اس کے بعد ساحل پر شجرکاری کرتے ہوئے ماحولیاتی پیغام دیا گیا۔

اتوار کو صفائی پروگرام میں پہنچے ضلع پنچایت ایگزکیٹیو افسر محمد روشن نے ساحل پر سیاحوں کی حفاظت کے لئے تعینات عملے سے گفتگو اور جانکاری لینے کےبعد کہاکہ مرڈیشورکے  ساحل میں سمندر میں کھیلتے ہوئے خطرے میں پھنس جانےو الے سیاحوں کو فوری بچاؤ کے لئے ایک مشینی بوٹ مہیا کرنےکی کوشش کی جائے گی۔ اس سلسلے میں ڈپٹی کمشنر کے ساتھ گفتگو کرتے ہوئے حالات کے متعلق جانکاری دونگا۔

ایک نظر اس پر بھی

بھٹکل کے چوتھنی کی  سڑک پھر ہوئی خستہ ، پوچھنے والا کوئی نہیں : جمعہ کی صبح مرمت، شام کو احتجاج

بھٹکل تعلقہ میں ہورہی موسلا دھار بارش کے نتیجےمیں چوتھنی کی سڑک پھر ایک بار بہہ کر خستہ ہوگئی ہے۔ سڑک پر سواریوں کو ہی نہیں ، پیدل راہ گیروں کو چلنا پھرنا دشوار ہورہاہے۔ سڑک کی خستہ حالت کو دیکھ کر علاقے کے نوجوانوں نے جمعہ کی صبح سڑک کی مرمت کی اور شام کو سڑک کے درمیان  پودوں کو ...

مولانا سید بلال حسنی ندوی کے ہاتھوں بھٹکل غوثیہ اسٹریٹ میں پانی کے یونٹ کا خوبصورت افتتاح؛ مسلم یوتھ فیڈریشن کا چھ مزید جگہوں پر یونٹ قائم کرنے کا منصوبہ

بھٹکل مسلم یوتھ فیڈریشن کی جانب سے   شہر کے غوثیہ اسٹریٹ میں  پانی کے یونٹ کا خوبصورت افتتاح  آل انڈیا پیام انسانیت فورم   کے جنرل سکریٹری  مولانا سید بلال عبد الحئ حسنی ندوی  کی دُعا کے ساتھ کیا گیا، جبکہ بھٹکل جماعت المسلمین  کے قاضی مولانا  اقبال مُلا ندوی نے   تالہ کھول ...