بھٹکل:8/ دسمبر(ایس اؤنیوز) الہلال اسوسی ایشن کے زیرا ہتمام جمعہ کی صبح بلدیہ حدود کے مخدوم کالونی میں کلین بھٹکل ،گرین بھٹکل بھٹکل کے تحت صفائی مہم منائی گئی ۔ اسوسی ایشن کے صدر شبیر گنگاولی کے مطابق جمعہ کی صبح سے ہی مخدوم کالونی علاقہ میں اسوسی ایشن کے ممبران اور محلہ کے نوجوانوں نے صفائی مہم میں شریک ہوئے۔

علاقہ کے تمام گلی محلوں میں صفائی کاکام انجام دیتےہوئے گھر وں کے سامنے موجود کانٹے بھراٹوں کو نکال باہر کرتے ہوئے صفائی کی گئی ۔ دراصل مہم کےذریعے عوام میں صفائی کے متعلق بیداری پیدا کرنا مقصود ہے۔ اس موقع پر اسوسی ایشن کے جنرل سکریٹری عبدالرحیم کے سمیت کئی ممبران، بزرگ شخصیات اور نوجوان شریک تھے۔