ملپے 5؍مارچ (ایس او نیوز) گہرے سمندر وں میں پرسین ماہی گیر کشتیوں کے ذریعے غیر سائنٹفک اندازمیں ’لائٹ فشنگ ‘کا طریقہ اپناتے ہوئے مچھلیوں کا شکار کرنے کے مسئلے پر ملپے بندرگاہ کے علاقے میں دو گروہوں میں آپسی جھڑ پ ہوگئی۔
محکمہ ماہی گیری کے افسران کی طرف سے لائٹ فشنگ کرنے والی پرسین کشتیوں کے خلاف کسی قسم کی کارروائی نہ کرنے کاالزام لگاتے ہوئے ملپے بندرگاہ کی مین گیٹ کرکے ڈپٹی ڈائریکٹرآف فشریز کے دفتر کے روبرو احتجاج شروع کیا تو پرسین کشتی والے گیٹ کھولنے او رمچھلیوں کے ٹرکس کو باہر نکلنے کا راستہ دینے کا مطالبہ کرنے لگے۔اس کی وجہ سے دو گروہوں کے درمیان سخت گرما گرم بحث ہوئی اور ماحول کشیدہ ہوگیا۔بگڑتے حالات کی خبر ملنے پر پولیس نے موقع پر پہنچ کر دونوں گروہوں کو خاموش کرنے کی کوشش کی اور حالات پر قابوپالیا۔