چنتامنی میں منسپالٹی ملازمین اور صفائی کرمچاریوں کے مابین اسپورٹس مقابلے؛ اسپورٹس سے آپسی دوستی بڑھتی ہے:کمشنر راجنا
چنتامنی:26 /ستمبر(محمد اسلم/ایس او نیوز)اسپورٹس سے آپسی دوستی بڑھتی ہے اور جسمانی دماغی قوت میں بھی اضافہ ہوتا ہے ان خیالات کا اطہار چنتامنی سٹی منسپالٹی کے کمشنر ایم راجنا نے کیا انہوں نے آج شہر کے لکشمی بائی جھانسی رانی میدان میں منسپالٹی ملازمین اور صفائی کرمچاریوں کے لئے منعقدہ اسپورٹس مقابلوں کا افتتاح کرنے کے بعد اپنے خطاب میں کہا کہ دفتروں میں بیٹھ کر کام و کاج کرنے والے افسران بھی عام انسان ہیں روز مرہ کے تھکادینے والے سرکاری کام وکاج کے سبب ملازمین ذہنی تناؤ کا شکار ہوجاتے ہیں اگر وہ تناؤ سے چھٹکار ہ حاصل کرنا چاہتے ہیں یا اچھی صحت بر قرار رکھنا چاہتے ہیں تو انہیں چاہئے کہ اسپورٹس کو روز مرہ کی زندگی میں مشغلہ بنالیں کیونکہ کھیل کود نہ صرف ملازمین کو چاق وچوبند رکھتا ہے بلکہ انہیں چست رہنے کے لئے اسپورٹس لازم ہے انہوں نے کہا کہ سرکاری ملازمین دفتروں میں بیٹھ کر کام کرنے کے یادیگر مصروفیات کے سبب اکثر سرکاری ملازمین اپنی صحت کی جانب توجہ نہیں دیتے یہاں تک کہ صحت مکمل طور پر خراب ہوجاتی ہے تو انہیں غلطی کا احساس ہوتا ہے اگر ملازمین سرکاری کاموں کے علاوہ اسپورٹس کو بھی ملازمت کا حصہ تصور کریں تو ممکن ہے کہ نہ صرف صحت بھی اچھی ہوگی اور زہنی تناؤ سے چھٹکارہ بھی حاصل کیا جاسکتا ہے ۔اس موقع پر بلدیہ صدر ایم ۔سجاتا نائب صدر سجاتا شیونا اسٹاڈنگ کمیٹی کے چیرمین شری رامپا ہیلتھ انسپکٹر سی کے بابو ارتی اُما شنکر وغیرہ موجود رہے۔