چتردرگہ میں دلت لڑکے سے اونچی ذات کی لڑکی کی محبت،حاملہ ہونے پر قبیلے والوں نے پتھر سے کچل کر حمل گرادیا
چتردرگہ،26/نومبر(ایس او نیوز) دلت لڑکے سے محبت کرنے کے بعد اس سے شادی رچانے والی ایک لڑکی آج درندگی کا شکار ہوئی ہے،جس کے تحت اس لڑکی کے حمل کو ضائع کرنے کیلئے اس کے ہی قبیلے کے لوگوں نے اس پر حملہ کیااور ا سکے حمل کوگرانے کیلئے پیٹ پرپتھر ڈال دیا، جس سے اس خاتون کا حمل ضائع ہو ا ہے ۔ یہ واقع ضلع کے دھرما ساگر تعلقہ کے چک بینور کے قریب پیش آیا ہے ۔مدھو نامی دلت نوجوان کے ساتھ آشا نامی اونچی ذات کی لڑکی نے محبت رچا کر کے شادی رچائی تھی،اسی بات کولیکر اس کی ذات کے لوگ اس سے دشمنی کررہے تھے۔تین ماہ کی حاملہ آشا کوآج صبح قریب ایک درجن افراد پر مشتمل ایک گروہ نے حملہ کردیا،جس کی وجہ سے آشا شدید زخمی ہوئی اوراسے اسپتال میں داخل کروایاگیا ہے ۔ اس سلسلے میں دھرماساگر پولیس تھانے میں معاملہ درج کرلیا گیا ہے۔