چنتامنی میں منسپالٹی واٹرمین کی خود کشی پولیس میں شکایت
چنتامنی،16 ؍ستمبر(سید اسلم پاشاہ ؍ایس او نیوز) یہاں کی سٹی منسپالٹی میں پچھلے کچھ دنوں سے واٹرمین کی حیثیت سے کام کررہے اگراہار کا ساکن وینود(23 )نے کل رات پھانسی دے کر خود کشی کرلی ۔ رورل پولیس تھانہ سے ملی اطلاع کے مطابق واٹرمین وینود کل شام 06:00 بجے گھر سے گیا تھا لیکن واپس نہیں آیا تھا آج دوپہر میں تعلقہ کے چُکّ ریڈے ہلی تالاب کے کنارے وینود کی نعش درخت کو لٹکتی دیکھ کرمقامی لوگوں نے اس کی اطلاع رورل پولیس تھانہ کو دی فوراََ سرکل انسپکٹر آنند سب انسپکٹر لیاقت وغیرہ پہنچ کر نعش کا معائنہ کرکہ سرکاری اسپتال کوپوسٹ مارٹم کے لئے منتقل کیا۔ واٹرمین کی خود کشی کی خبر شہر بھر میں جنگل کے آگ کی طرح پھیلی تو منسپالٹی کے صفائی کرمچاری و عملہ سرکاری اسپتال کے پاس پہنچ گئے پوسٹ مارٹم کے بعد نعش کو ان کے وارثین کے حوالے کرکہ رورل پولیس نے معاملہ درج کرلیا ہے لیکن پولیس کو خود کشی کرلینے کی وجہ معلوم نہیں پائی ہے۔ پولیس تحقیقات کررہی ہے۔
