چنتامنی میں ٹرین کی ٹکر سے ایک شخص ہلاک
چنتامنی:24 /اکتوبر(محمد اسلم/ایس او نیوز)ٹرین سے ٹکرا کر ایک شخص موقع پر ہی ہلاک ہوگیا جس کی شناخت وارڈ نمبر 31 /تمسندرہ کا ساکن وینکٹ چلپتی (55) کی حیثیت سے کی گئی ہے ۔ واقعہ چنتامنی رورل پولیس تھانہ کے حدود وارڈ نمبر 31 /تمسندرہ کے قریب پیش آیا ۔
اطلاع کے مطابق وینکٹ چلپتی آج صبح تمسندرہ کے متصل موجود ریلوے پٹڑی کے کنارے پیدل جارہا تھا حسب معمول چنتامنی سے صبح کے وقت میں چنتامنی سے بنگلور کے طرف جارہی ٹرین نے وینکٹ چلپتی کو کچل دیا جس کے سبب اُس کا سر جسم سے الگ ہوگیا اطلاع ملتے ہی ریلوے پولیس افسران موقع پر پہنچ کر معائنہ کرتے ہوئے معاملہ درج کرلیا۔ تحقیقات جاری ہے۔