چنتامنی کے سابق رُکن اسمبلی سدھاکرکے بی جے پی میں شامل ہونے کی بات غلط؛ وہ صرف ایک افواہ تھی :سابق وزیر منی اپا کا بیان
چنتامنی:23 /اپریل(محمد اسلم /ایس او نیوز)سابق وزیر و رُکن پارلیمان کے ہیچ منی اپا نے تعلقہ بھر کے آس پاس بنائے جارہے نیشنل ہائی وے کا معائنہ کرنے کے دوران اخباری نمائندوں سے بات کرتے ہوئے کہا کہ سابق رُکن اسمبلی ڈاکٹر ایم سی سدھاکر کے بی جے پی میں شامل ہونے کی بات بالکل غلط ہے اور کسی نے غلط افواہ پھیلائی ہے مزید کہا کہ سدھار کانگریس پارٹی ہی میں رہیں گے۔ انہوں نے کانگریس پارٹی کے چند لیڈروں کے بیچ پائے جانے والے اختلافات کے تعلق سے کہا کہ اُس کو ختم کرنے کی کوشش کی جارہی ہے انہوں نے کہا کہ چنتامنی حلقے میں کانگریس کا قلعہ ضرور مضبوط ہوگا۔ کے پی سی میں صدر کے عہدہ کی لابی چلانے کی تعلق سے پوچھے گئے سوال پر انہوں نے کہا کہ میں کے پی سی سی صدر کے عہدہ کے لئے لابی نہیں چلا رہا ہوں۔ کے پی سی سی صدر کا عہدہ کس کو دیا جا نا چاہئے یہ ہائی کمانڈ ہی فیصلہ کرے گی ہم ہائی کمانڈ کے ہر ایک فیصلے کا احترام کرتے ہیں۔
نیشنل ہائی وے کے تعلق سے پوچھے گئے سوال انہوں نے کہا ہک بائر نہلی ہورٹ گیرے تعلقہ تا چکبالاپور تک چکبالاپور تا ملباگل تک ہائی وے روڈ کو اس لئے تعمیر کیاا جارہا ہے کیونکہ لوگوں کو تکلیف نہ ہو نیشنل ہائی روڈ کے تعمیر ہوجانے سے ممبئی سے کولکتہ وغیرہ بڑے شہروں کو جانے کے لئے آئندہ دنوں میں کافی سہولت ہوگی
کے ہیچ منی اپا نے گنڈل پیٹ حلقہ کے ضمنی انتخابات میں کانگریس کو شاندار کامیابی ملنے پر کہا کہ اس سے صاف ظاہر ہوتا ہے کہ آئندہ اسمبلی انتخابات میں ریاست سے بی جے پی کا صفایا ہوجائے گا انہوں نے بتایا کہ پچھلے یو پی اے حکومت کی کئی منصوبوں کے نام بدل کر بی جے پی حکومت نے ان منصوبوں کا الگ نام سے جاری رکھا ہے نریگا اور آدھار جیسے اہم یوجناؤں کو جاری رکھنے کی بات کررہی ہے ۔اس موقع پر ان کے ہمراہ تحصیلدار گنگپا گیس شرنیواس ایڈوکیٹ سی ایس انور خان عبدالقادر ڈی وائی ایس پی کرشنامورتی چندرہ ریڈی وغیرہ موجود رہے ۔