چنتامنی:10 /اگست(سید اسلم پاشاہ/ایس او نیوز)حلقہ چنتامنی کے ہر غریب گھر کو رسوئی گیس مفت دینے کی ہرممکن کوشش کی جائیگی تاکہ غریبوں کو کھانا بنانے میں آسانی ہو۔ یہ بات رُکن اسمبلی جے کے کرشناریڈی نے کہی۔
آج یہاں کے منسپلٹی دفتر کے متصل ایس سی / ایس ٹی،او بی سی اور نابینا افراد کےقریب 500 احباب میں سرکاری اسکیم کے تحت رسوئی گیس کنکشن تقسیم کرنے کے بعدوہ خطاب کررہے تھے۔ انہوں نے اپنے خطاب میں کہا کہ شہر کے بے گھر لوگوں کو گھرتعمیر کروانے کا بھی منصوبہ بنایا گیا ہے جلد اس پر کام کرتے ہوئے زمین کی نشاندہی کرکے تعمیراتی کام کاج عمل میں لایا جائے گا ۔
انہوں نے کہا کہ ایس ایس ایل سی میں 95فیصد نتائج حاصل کرکے کامیاب ہونے والے طلبہ کو منسپالٹی سے اسکالرشپ کی رقم دی جارہی ہے، طلبہ اس کیلئے فوراََ عرضیاں منسپالٹی میں جمع کرائیں۔منسپالٹی سے رسوئی گیس مستحق لوگوں میں فراہم کرنے کیلئے ابھی دس لاکھ فنڈ بچا ہوا ہے اس فنڈ سے منسپالٹی رسوئی گیس خرید کر مستحق افراد میں تقسیم کریگی۔
اس موقع پر بلدیہ صدر سجاتا شیونا نائب صدر سجاتا شیوپا کونسلر محمد شفیق کونسلر منجوناتھ اسٹانڈنگ کمیٹی چیرمین شری رامپا کونسلر جبینہ تاج منسپالٹی کمشنر وی۔منی سوامیشرنیواس ریڈی ہیلتھ انسپکٹر اما شنکروینکٹ رونپا سمیت کئی احباب شریک رہے۔