چنتامنی:19 /مارچ(محمد اسلم /ایس او نیوز) چنتامنی حلقہ کے سابق رُکن اسمبلی ڈاکٹر ایم سی سدھاکر کے 48واں جنم دن کے موقع پریہاں کے مقامی سرکاری اسپتال میں موجود مریضوں کی عیادت کی گئی اور وہاں موجود تقریبا 200مریضوں کو پھل اور بریڈس کی تقسیم کرتے ہوئے انہیں درکار مزید امداد کے تعلق سے بھی بات چیت کی گئی اس موقع آخباری نمائندوں سے بات کرتے ہوئے کانگریس لیڈر مالک پاشاہ کریپلی نے بتایا کہ سابق رُکن اسمبلی سدھاکر چنتامنی حلقہ کی ترقی کیلئے بہت کوششیں کئے ہیں آنے والے 2018اسمبلی انتخابات میں سابق رُکن اسمبلی کی کامیابی یقینی ہے یہاں کے عوام موجودہ رُکن اسمبلی کی خود مختیاری کی سیاست سے بیزار ہوچکے ہیں ۔

سابق رُکن اسمبلی نے گذشتہ چند دنوں قبل جڑواں اضلاع کو مستقل آبپاشی کا مطالبہ کرتے ہوئے ایک زبردست ریلی چنتامنی تا چکبالاپور تک نکالی تھی اُس ریلی میں ہزاروں کی تعداد میں لوگ اکھٹا ہوئے تھیں ،انہوں نے رُکن اسمبلی کا نام لئے بغیربتایا کہ ایک غیر تعلیم یافتہ شخص سے حلقے کی ترقی ممکن نہیں ہوسکتی مقامی رُکن اسمبلی دسویں جماعت میں بھی کامیاب نہیں ہوسکے حلقے کی ترقی کے معاملے میں کسی طرح کامیابی حاصل کرسکتے ہیں ۔بعد ضلع پنچایتی کے رُکن شیونا نے بھی بات کرتے ہوئے کہا کہ اب وہ دن دور نہیں کہ کرشناریڈی حلقے سے واپس بنگلور روانہ ہوجائیں گے انہوں نے مزید کہا کہ چنتامنی حلقے میں پچھلے چار سالوں سے کوئی بھی ترقیاتی کام نہیں ہوپائے ہیں پیسوں کے بل بوتے پر کرشناریڈی نے کامیابی حاصل کرلی ہے اب عوام کو معلوم ہوچکا ہے کہ کرشناریڈی کی حقیقت کیا ہے اب حلقے کے عوام پھر سے سیاسی ہیرو کو منتخب کرنا چاہتے ہیں آئند ہ دنوں میں جے ڈی ایس کا خاتمہ یقینی ہے ۔چنتامنی شہر کے کریپلی سرکاری کنڑا اسکول کے طلباء طالبات میں بھی سابق رُکن اسمبلی کے جنم دن کے سبب کتابیں پنسل سمیت مٹھائی تقسیم کئے اس موقع پر کاگیتی گرام پنچایتی کے صدر آمجد پاشاہ سدھاکر باباجان کونسلر الیاس پاشاہ سمیت کئی کانگریس کے کارکنان موجود رہے۔