چنتامنی میونسپل کونسل کے بجٹ اجلاس میں کونسلروں کی گرما گرم بحث ؛ لاپراہی کرنے والے منسپالٹی افسروں کومعطل کرنے کی تجویز
چنتامنی:28 /مارچ(محمد اسلم/ایس او نیوز) منسپالٹی دفتر میں بلدیہ صدر سجاتا شیوپا کے زیر صدارت میں 2017-18کا بجٹ اجلاس منعقد کیا گیا اجلاس کی کارروائی شروع ہوتے ہی وارڈ نمبر 17کے کونسلر محمد شفیق نے کھڑے ہوکر کہا کہ جب تک پانی کے سربراہی کے مسائل کو حل نہیں کرلیا جاتا اُس وقت تک اجلاس کی کارروائی کو آگے بڑھنے نہیں دیا جائے گا۔
کونسلر شفیق نے بلدیہ کے افسروں کو لتاڑا اور کہا کہ منسپالٹی افسروں نے چکبالاپور ضلع ڈپٹی کمشنر کو یہ جھوٹی رپورٹ پیش کی ہے کہ منسپالٹی حدود میں آنے والے وارڈوں کو ہر 10تا15دنوں میں ایک مرتبہ پانی سپلائی کیا جارہا ہے انہوں نے کہا کہ منسپالٹی حدود میں آنے والے کسی بھی وارڈکو 10تا15دنوں میں پانی بالکل ہی سپلائی نہیں کیا جارہا ہے ۔
کونسلر شفیق نے منسپالٹی کمشنر اور بلدیہ کے کچھ عملہ پر چند وارڈوں کو پانی سپلائی کرنے کیلئے رشوت لینے کا الزام لگاتے ہوئے کہا کہ رشوت لینے والے افسروں کو معطل کیا جائے اور منسپالٹی کے ہر کام میں لاپروائی برتنے والے افسروں کا بھی تبادلہ کیا جائے اِس وقت منسپالٹی کمشنر وی۔منی سوامی نے مداخلت کرتے ہوئے افسروں کے نام لئے بغیر کہا کہ بلدیہ کے تین تا چار افسروں کا تبادلہ کرنےکیلئے اعلیٰ افسروں کو شکایت بھیجی گئی ہے ۔
منسپالٹی کمشنر نے پانی کے معاملے کو لیکر بجٹ اجلاس میں گرما گرم بحث کررہے کونسلروں کو تحریر دی کہ منسپالٹی کے حدود میں آنے والے تمام وارڈوں کو 10تا15دنوں میں ایک مرتبہ پانی سپلائی کیا جائیگااس یقین کے بعد کونسلروں نے بجٹ کی کارروائی کو آگے بڑھنے کا موقع دیا۔
منسپالٹی کمشنر منی سوامی نے بجٹ کی تفصیل پیش کرتے ہوئے کہا کہ اس مرتبہ 68.10لاکھ روپئے بچت بجٹ پیش کیا گیا ہے کمشنر نے کہا کہ شہر میں مقیم بی پی ایل کارڈ رکھنے والے احباب کے پاس اگر رسوئی گیس سلنڈرنہیں ہے تو ان کو اس سال مفت رسوئی گیس سلنڈر دی جائیگی شہر کے جن گلیوں میں اسٹریٹ لائٹ نہیں ہے فوراََ اسٹریٹ لائٹ کی سہولت فراہم کی جائے گی شہر کی مختلف گلیوں میں نالوں کی بھی تعمیر کی جائیگی شہر کے تمام معذورین کے لئے تین پہیوں کے گاڑیاں تقسیم کی جائے گی۔ منسپالٹی کے حدود میں آنے والے پارک کو گریل ڈالنے کی کارروائی بھی ہوگی شہر کی اہم سڑکوں پر جہاں سی سی کیمرے نہیں ہے وہاں سی سی کیمروں کو نصب کیا جائے گاشہر کے سلم علاقوں میں ہر تین ماہ میں ایک مرتبہ ہیلتھ چیک آپ کیمپ رکھا جائے گا۔اس موقع پر بلدیہ نائب صدر سجاتا شیونا اسٹانڈنگ کمیٹی چیرمین شری رامپا کونسلر اللہ بخشء قادری کونسلر الیاس پاشاہ بلدیہ سابق صدر انور پاشاہ نامزدکونسلر نثار شاہ موجود تھے۔ بجٹ اجلاس میں منسپالٹی حدود میں آنے والے وارڈوں کے کئی کونسلرس غیر حاضر رہے ۔