چنتامنی: 12؍ستمبر(سید اسلم پاشاہ؍ایس اونیوز)چنتامنی تعلقہ کے ماڈکیرے کراس کے متصل امریڈ ہلی گیٹ کے قریب ہائی وے پر ہوئے ایک سڑک حادثے میں تین افراد ہلاک اور ایک شدید طور پر زخمی ہوگیا حادثہ منگل کی علی الصبح اُس وقت پیش آیا جب آٹو رکشا میں سوار ہوکر چاروں افراد ایک مندر کے درشن کو جارہے تھے کہ ان کی رکشہ کو تیزرفتار ی کے ساتھ آئی لاری نے ٹکر ماردی۔ ٹکر اتنی شدید تھی کہ ٹکر لگتے ہی آٹو رکشا چور چور ہوگیا اور آٹو رکشا پر سوار چاروں افراد بری طرح زخمی ہوئے۔ اُن میں تین جائے وقوع پر ہی دم توڑ دئیے۔
ہلاک ہونے والوں کی شناخت تعلقہ کورٹ ہلی کا ساکن اشوت مورلی آٹو ڈرائیور(45)اشوت (55)رام پور کا ساکن چلپتی (35) کی حیثیت سے کی گئی ہے جبکہ کاسپلی کا ساکن ننجونڈپا(40 )شدید طور پر زخمی ہوگیا ہے اُس کی حالت بے حد نازک بتائی گئی ہے۔
مضافاتی پولیس تھانہ کے سرکل انسپکٹر آنند سے ملی اطلاع کے مطابق چاروں افراد اندھراپردیش کے بائی کونڈ مندر کے درشن کے لئے علی الصبح آٹو رکشا سے جارہے تھے جبکہ لاری کڈپہ سے تیز رفتار ی کے ساتھ آرہی تھی، جس کے نتیجے میں حادثہ پیش آیا۔ تینوں نعشوں کو شہر کے سرکاری اسپتال منتقل کیا گیا حادثے کی اطلاع پھیلتے ہی اسپتال کے باہر لوگوں کا ہجوم جمع ہوگیا ۔ یہاں پولس کو ہلکی لاٹھی کے سہارے سے لوگوں کو منتشر کرنا پڑا۔ نعشوں کو پوسٹ مارٹم کے بعد وارثین کے حوالے کردیا گیا۔ رورل پولیس نے لاری کو اپنے قبضہ میں لیکر معاملے درج کرلیا ہے مزید تحقیقات جاری ہے ۔