بیجنگ20نومبر (ایس او نیوز؍آئی این ایس انڈیا)چین نے مطالبہ کیا ہے کہ بنگلہ دیش اور میانمار کو مل کر روہنگیا مسلمانوں کی مہاجرت سے پیدا ہونے والا بحران باہمی مکالمت سے خود حل کرنا چاہیے۔ چینی وزیر خارجہ وانگ ڑی نے ہفتے کے روز ڈھاکا میں چینی سفارت خانے میں ایک پریس کانفرنس سے خطاب کرتے ہوئے کہا کہ میانمار اور بنگلہ دیش کو اس بحران کے حل کے لیے کسی بین الاقوامی پیش رفت کا انتظار نہیں کرنا چاہیے۔ اپنے دورہء4 بنگلہ دیش کے دوران چینی وزیر خارجہ نے کہا کہ اس بحران کے حل کی کوششوں میں بین الاقوامی برادری کو لا کر معاملے کو پیچیدہ بنانے کی بجائے دو طرفہ بات چیت کا راستہ اپنایا جانا چاہیے۔