چین علاقائی بے یقینی کے تناظر میں سعودی عرب کے ساتھ ہے:صدر ڑی جن پنگ

Source: S.O. News Service | By Shahid Mukhtesar | Published on 17th November 2017, 8:53 PM | خلیجی خبریں | عالمی خبریں |

بیجنگ،17؍نومبر (ایس او نیوز؍آئی این ایس انڈیا)چین، سعودی عرب میں بڑے پیمانے پر ترقی کے عمل اور قومی سالمیت کی کوششوں کی مکمل حمایت کرتا ہے۔ علاقائی سطح پر سعودی عرب، ایران، لبنان اور یمن میں کشیدگی کے تناظر میں یہ یقین دہانی چینی صدر ڑی جن پنگ نے سعودی فرمانروا شاہ سلمان بن عبدالعزیز کو گذشتہ روز ٹیلی فون پر کرائی۔ مبصرین اس بیان کو انتہائی اہم قرار دے رہے ہیں۔اگرچہ چین اپنی تیل کی ضروریات کے لئے مشرق وسطیٰ کے ملکوں پر انحصار کرتا ہے لیکن روایتی طور پر چین نے مشرق وسطیٰ کے تنازعات میں بہت کم سفارتی کردار ادا کیا ہے۔ تاہم گذشتہ مارچ میں شاہ سلمان کے دورہ بیجنگ کے بعد سے چین اپنا سفارتی پروفائل بڑھانے کی کوششیں کر رہا ہے۔چینی وزارت خارجہ کے مطابق صدر ڑی نے شاہ سلمان کو ٹیلی فونک گفتگو میں بتایا کہ بین الاقوامی اور علاقائی سطح پر ہونے والی تبدیلیوں سے قطع نظر سعودی عرب کے ساتھ چین کے گہرے تزویراتی تعاون کا عزم کبھی متزلزل نہیں ہو گا۔دنوں ملکوں کی قیادت اور حکومتوں کے درمیان گہرے مراسم کی اہمیت پر تبصرہ کرتے ہوئے صدر ڑی کا کہنا تھا کہ ان کا ملک اور سعودی عرب وسیع المشرب تزویراتی شریک ہیں۔ ان کا باہمی اسٹرٹیجک مفاد انتہائی گہرا ہے۔صدر ڑی کے شاہ کو ٹیلی فون کے حوالے سے ایک بیان میں بیجنگ دفتر خارجہ کا کہنا تھا کہ چین، سعودی عرب میں بڑے پیمانے پر ترقی کے عمل اور قومی سالمیت کی کوششوں کی مکمل حمایت کرتا ہے۔ بیان میں اس کی مزید وضاحت نہیں کی گئی۔ نیز بیان میں وزیر اعظم سعد الحریری کے استعفی جیسے معاملات کا کوئی ذکر نہیں کیا گیا۔یمن کی آئینی حکومت کی حمایت اور تحفظ کی خاطر سعودی عرب کی قیادت میں عرب اتحادی فوج ایران نواز حوثی باغیوں کو دو برسوں سے نشانہ بنا رہی ہے۔ دفتر خارجہ کے بیان کے مطابق مسٹر ڑی اور شاہ سلمان نے باہمی دلچسپی کے بین الاقوامی اورعلاقائی امور پر بھی تبادلہ خیال کیا۔

ایک نظر اس پر بھی

بھٹکل جامعہ اسلامیہ وفد کی جدہ آمد پر افطاری پروگرام ؛ بھٹکل کے معروف نابینا حافظ انیس بڈو کو جماعت کی جانب سے عمرہ کا اعزاز

بھٹکل کمیونٹی جدہ کی جانب سے ممبران کے لئے ہوٹل ٹرائی ڈینٹ میں افطاری کا اہتمام کیا گیا۔ اور اس پروگرام میں جامعہ اسلامیہ کے وفد  مولانا انصار خطیب مدنی و مولانا ارشاد صدیقہ ندوی کا پُرتباک استقبال ہوا

دبئی میں شیرور اسوسی ایشن کے زیر اہتمام گیٹ دو گیدر؛مرحوم باشو بھائی کی خدمات کو خراج عقیدت

شیرور اسوسی ایشن کے زیر اہتمام البستان ریسیڈنس میں شیروریئن کا گیٹ ٹو گیدر منعقد کیا گیا۔ جس میں گرین ویلی اسکول شیرور کے بانی مرحوم جناب عبدالقادر عرف باشو بھائی کو ان کی بے لوث خدمات پر خراج عقیدت پیش کیا

سعودی عرب : پانچ شہروں میں خواتین کے لیے ڈرائیونگ اسکولز قائم

سعودی عرب میں محکمہ ٹریفک کے ڈائریکٹر بریگیڈیئر جنرل محمد بن عبداللہ البسامی کا کہنا ہے کہ مملکت میں خواتین کی ڈرائیونگ سے معلق تمام مطلوبہ امور کی تیاری مکمل کر لی گئی ہے۔ انہوں نے بتایا کہ بعض سعودی جامعات کے تعاون سے خواتین کے لیے کئی ماڈل ڈرائیونگ اسکولز بھی متعارف کروا ...

چینی فضائیہ کے بمبار طیارے کی جنوبی چین میں جزیرے کے رن وے پر لینڈنگ

چین کی عوامی سپاہ آزادی کی فضائیہ نے حالیہ مشق کے دوران بحیرۂ جنوبی چین کے ایک ہوائی اڈے پر اپناایچ۔6بمبار طیارہ اتارا اس طرح چینی بمبار طیارہ اس علاقے میں کسی ہوائی اڈے کو استعمال کرنے والا پہلا طیارہ بن گیا ہے۔

بچوں سے جنسی زیادتیاں: چلی کے تمام 34 بشپس استعفیٰ پیش کرنے پر متفق 

کیتھولک مسیحیوں کے کلیسائے روم کی تاریخ میں شاذ و نادر نظر آنے والی ایک پیش رفت میں بچوں سے جنسی زیادتیوں کے ایک بہت بڑے اسکینڈل کی وجہ سے چلی کے تمام چونتیس بشپس نے پاپائے روم کو اپنے استعفوں کی پیشکش کر دی ہے۔

افغانستان: اسٹیڈیم میں دھماکے، آٹھ ہلاک

افغانستان کے مشرقی شہر جلال آباد میں کھیلوں کے ایک اسٹیڈیم میں دھماکوں سے کم از کم آٹھ افراد ہلاک ہو گئے ہیں۔افغان حکام کے مطابق جمعہ کو دیر گئے اس اسٹیڈیم میں ایک کرکٹ میچ ہونے جا رہا تھا جب یہ دھماکے ہوئے اور اس میں متعدد افراد زخمی بھی ہوئے۔