امریکا اور شمالی کوریا کشیدگی میں کمی کی کوشش کریں: چین

Source: S.O. News Service | Published on 12th August 2017, 9:46 PM | عالمی خبریں |

بیجنگ12اگست(ایس او نیوز/آئی این ایس انڈیا)چینی صدر شی جن پنگ نے اپنے امریکی ہم منصب ڈونلڈ ٹرمپ سے ٹیلی فون پر بات چیت میں درخواست کی ہے کہ شمالی کوریا کے ساتھ کشیدگی میں کمی کی کوشش کی جائے۔چین کے سرکاری میڈیا کے مطابق اس گفت گو میں شی جن پنگ نے زور دیا کہ فریقین ’تند و تیز بیانات‘ کے ذریعے کشیدگی میں اضافے کی بجائے تناؤ میں کمی کے لیے بہتر راستہ اپنائیں۔ انہوں نے کہا کہ جزیرہ نما کوریا کو جوہری ہتھیاروں سے پاک کرنے اور خطے کے استحکام اور امن کے لیے بات چیت ہی کلیدی راستہ ہے۔
حالیہ چند دنوں میں شمالی کوریا اور امریکا کی جانب سے ایک دوسرے کے خلاف سخت ترین بیانات سامنے آئے ہیں۔ امریکی صدر ڈونلڈ ٹرمپ نے گزشتہ روز اپنے بیان میں کہا تھا کہ امریکی فورسز شمالی کوریا کے کسی بھی جارحانہ اقدام سے نمٹنے کے لیے ’مستعد اور تیار‘ ہیں۔ دوسری جانب شمالی کوریا نے الزام عائد کیا ہیکہ امریکا کوریائی خطے کو ایک ایٹمی جنگ کی طرف دھکیل رہا ہے۔
یہ بات اہم ہے کہ کیشدگی کی یہ تازہ لہر شمالی کوریا کی جانب سے بین البراعظمی میزائلوں کے تجربات کے بعد شروع ہوئی ہے۔ شمالی کوریا کا دعویٰ ہے کہ وہ بین البراعظمی میزائلوں کے ذریعے امریکا کے تمام شہروں کو نشانہ بنا سکتا ہے۔ شمالی کوریا کی جانب سے حالیہ کچھ عرصے میں اقوام متحدہ کی قراردادوں کی خلاف ورزی کرتے ہوئے یہ تجربات کیے گئے ہیں۔ اقوام متحدہ نے شمالی کوریا پر تمام میزائل تجربات بند کرنے اور جوہری پروگرام روکنے کی قراردادیں منظور کر رکھی ہیں۔ بین البراعظمی میزائل تجربے کے تناظر میں اقوام متحدہ نے شمالی کوریا پر مزید سخت اقتصادی پابندیاں بھی نافذ کر دی ہیں۔ ادھر شمالی کوریا کا کہنا ہے کہ وہ بحرالکاہل میں واقع امریکی جزیرے گوام کی جانب میزائل داغنے کی تیاری کر رہا ہے۔
صدر ٹرمپ نے دھمکی دی ہے کہ شمالی کوریا کی جانب سے ایسا کوئی بھی اقدام کیا گیا، تو پیونگ یانگ کو اس پر ’ہمیشہ افسوس‘ رہے گا۔یہ بات بھی اہم ہے کہ متعدد اقتصادی معاملات پر چین اور امریکا کے درمیان بھی کشیدگی پائی جاتی ہے۔ چین کے سرکاری میڈیا کے مطابق ڈونلڈ ٹرمپ سرکاری دورے پر رواں برس چین جائیں گے اور دونوں رہنما اس دورے کے منتظر ہیں۔

ایک نظر اس پر بھی

انجلینا جولی کی عید پرعراق کے شہر موصل کے پناہ گزینوں سے ملاقات

اقوام متحدہ کی پناہ گزین کی خصوصی ایلچی انجلینا جولی نے عراق میں دہشت گردی سے سب سے متاثرہ علاقے موصل کا دورہ کیا اور عالمی برادری سے تباہ حال شہر کے بے گھر رہائشیوں کی دوبارہ اپنے گھروں میں آبادکاری کے لیے مدد کی اپیل کی ہے۔

ننگر ہار: طالبان پر خودکش حملے میں ہلاکتوں کی تعداد 36 ہو گئی

صوبہ ننگرہار میں کے محکمہ صحت کے ڈائریکٹر نجیب اللہ کماوال کے حوالے سے کہا ہے کہ ہفتہ کو ہونے والے اس حملے میں 65 افراد زخمی بھی ہوئے۔افغان حکام نے کہا ہے کہ جنگ بندی کے دوران مشرقی صوبہ ننگرہار میں افغان جنگجوؤں کے ایک اجتماع پر خودکش حملے میں ہلاکتوں کی تعداد 36 ہو گئی ہے۔

جاپان میں.1 6 شدت کا زلزلہ، تین افراد ہلاک

اوساکا اور اس کے گرد و نواح کا شمار جاپان کے اہم ترین صنعتی مراکز میں ہوتا ہے اور زلزلے کے بعد علاقے میں واقع بیشتر کارخانوں میں کام بند کردیا گیا ہے۔جاپان کے دوسرے بڑے شہر اوساکا میں آنے والے 6.1شدت کے زلزلے سے اب تک تین افراد کے ہلاک ہونے کی تصدیق ہوگئی ہے۔

نیو جرسی: آرٹ فیسٹول میں فائرنگ، حملہ آور ہلاک

امریکہ کی ریاست نیو جرسی میں ایک آرٹ فیسٹول کے دوران فائرنگ سے 22 افراد زخمی ہوگئے ہیں جب کہ ایک مبینہ حملہ آور مارا گیا ہے۔حکام کے مطابق واقعہ اتوار کو نیوجرسی کے شہر ٹرینٹن میں پیش آیا جہاں رات بھر جاری رہنے والے آرٹ فیسٹول کے دوران دو متحارب گروہ آپس میں لڑ پڑے۔

افغان طالبان کا جنگ بندی میں توسیع سے انکار

افغان طالبان نے کہا ہے کہ افغان سکیورٹی فورسز سے تین روزہ جنگ بندی کے خاتمے کے بعد اس میں مزید توسیع نہیں کی جائے گی۔فرانسیسی خبر رساں ادارے ’اے ایف پی‘ نے طالبان کے ترجمان ذبیع اللہ مجاہد کے حوالے سے کہا ہے کہ جنگ بندی 17 جون کی رات ختم ہو رہی ہے جس کے بعد طالبان کی کارروائیاں ...

ترک فوج کی عراق میں بمباری، 35 کرد جنگجو ہلاک

ترکی کی مسلح فوج نے ایک بیان میں دعویٰ کیا ہے کہ عراق کے شمالی علاقے جبل قندیل میں کرد علاحدگی پسند گروپ کردستان ورکرز پارٹی "PKK" کے ٹھکانوں پر بمباری کے نتیجے میں کم سے کم 35 کرد باغی ہلاک ہو گئے ہیں۔