اگر جنگ ہوئی تو ہماری فوج 48گھنٹے کے اندر دہلی پرحملہ کر سکتی ہے:چینی میڈیا
نئی دہلی، 18جنوری(ایس او نیوزآئی این ایس انڈیا)ویسے تو ہندوستان اور چین عوامی پلیٹ فارم پر ایک دوسرے کے ساتھ امن اور دوستانہ تعلقات کو تیار کرنے کی وکالت کرتے ہیں لیکن وہیں دوسری طرف آج کل چینی میڈیا ہندوستان کو دھمکی دینے کا کوئی بھی موقع نہیں چھوڑتا۔اسی کی تازہ کڑی میں چینی میڈیا نے دعوی کیا ہے کہ اگر ان دونوں کے درمیان جنگ شروع ہو جائے تو ان کی فوج محض 48گھنٹوں کے اندراندرنئی دہلی پر دھاوا بول سکتی ہے،صرف اتنا ہی نہیں یہ بھی کہا گیا کہ چینی فوجیوں کو بھیجنے پر اگر پیراشوٹ کی مدد لی گئی توصرف 10گھنٹے میں ہی وہ دہلی میں پہنچ جائیں گے۔قابل ذکر ہے کہ حالیہ دور میں جیش محمد سرغنہ مسعود اظہر، این ایس جی گروپ میں ہندوستان کی رکنیت اور ہندوستان کے ویت نام کو میزائل فروخت کرنے کے مسئلہ پر دو طرفہ تلخی میں اضافہ ہواہے۔